उग्रतारामा राष्ट्रपतिलाई रातो कार्पेट [फोटो फिचर]

समाज

ललित बोहरा शुक्रबार, फागुन १६, २०७६ १९:०१

डडेलधुरा–राष्ट्रपति विद्यादेवी भण्डारीले सुदूरपश्चिमकै प्रसिद्ध धार्मिक शक्तिपीठ उग्रतारा मन्दिरको दर्शन गरेकी छन्। सुदूरपश्चिम प्रदेशको भ्रमणमा रहेकी भण्डारीले शुक्रबार बिहान अमरगढी नगरपालिका–८ स्थित उग्रतारा भगवतीकोे दर्शन गरेकी हुन्। भण्डारी मन्दिरमा पुग्दा बाजागाजासहित स्वागत गरिएको थियो।
राष्ट्रपतिलाई सुदूरपश्चिम प्रदेश प्रमुख शर्मिलाकुमारी पन्त, मुख्यमन्त्री त्रिलोचन भट्ट, भौतिक पूर्वाधार विकासमन्त्री पठानसिंह बोहरा तथा जनप्रतिनिधि, कर्मचारी, मन्दिरका पुजारी, धामीलगायतले स्वागत गरेका थिए। त्यसअवसरमा अमरगढी नगरपालिकाले राष्ट्रपतिलाई नागरिक अभिनन्दन गरेको थियो।