सबै जनतालाई जलविद्युत्को शेयर दिने तयारी भइरहेको छः उर्जामन्त्री पुन

अनुसन्धान

नेपाल लाइभ शनिबार, वैशाख १५, २०७५ १४:५१

काठमाडौं–उर्जामन्त्री वर्षमान पुन ‘अनन्त’ ले आगामी आर्थिक वर्षदेखि सबै जनतालाई जलविद्युतको सेयरको हकदार बनाइने तयारी भइरहेको बताएका छन्।

रसुवामा निर्माणाधिन विभिन्न जलविद्युत आयोजनाको निरीक्षण पश्चात स्फ्रुुबेसीमा शनिबार आयोजित पत्रकार सम्मेलनमा मन्त्री पुनले हरेक नेपाली नागरिकलाई जलविद्युतको सेयरको हकदार बनाउन आगामी वर्षको बजेटमा नीतिगत व्यवस्था गरिन लागिएको जानकारी गराएका हुन्।

‘आगामी आवको बजेटबाट हिमाल, पहाड, तराई सबै क्षेत्रका जनता जलविद्युतको सेयर रहने गरी नीतिगत व्यवस्था गरिने छ,’ मन्त्री पुनले भने।

संघीय, प्रदेश र स्थानीय सरकार मिलेर जलविद्युतमा लगानी गर्न तयार रहेको उल्लेख गर्दै पुुनले निर्माणमा सहयोग गर्न स्थानीय राजनीतिक दल एवं आम जनतालाई आग्रह गरे।
मन्त्री पुनले निर्माणाधिन विद्युत आयोजना समयमै सम्पन गर्न निर्देशन समेत दिए।

आयोजना निर्माणको जिम्मा पाएका स्वदेशी तथा विदेशी ठेकेदार कम्पनीलाई समयमै काम सक्न निर्देशन दिँदै पुुनले लाइसेन्स ओगटेर एवं पीपीए गरेर काम नगर्ने नगर्नेलाई कारबाही गर्ने चेतावनी दिए। ‘लाइसेन्स मात्र होल्ड गरेर बस्ने, काम नगर्ने प्रवृत्तिलाई गम्भीर रुपमा लिएका छौं,’ उनले भने, ‘पीपीए गरेर काम नगर्नेको लाइसेन्स खारेज गर्छाै।’

उनले नीतिगत रुपमै व्यवस्था गरेर ट्रान्समिसन लाइन निर्माण गरिने बताए।

पुुनले गल्छी–रसुवागढीसम्म सडकको स्तरोन्नतीका लागि सम्बन्धीत मन्त्रालयलाई झकझकाउने र अद्यागमनका लागि भौतिक पूूर्वाधार निर्माणका लागि सम्वद्ध मन्त्रालयलाई आग्रह गर्ने प्रतिवद्धता जनाए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

७२ घण्टाभित्र माग सम्बोधन नभए आन्दोलन गर्ने कर्मचारीहरूको चेतावनी

विद्यालयको चाबी बोकेर काठमाडौं आउन विद्यालय कर्मचारीलाई निर्देशन

केन्द्राध्यक्षलाई काठमाडौं आउन शिक्षक महासंघको अपील