ललितपुर- कोरोना महामारीबीच वर्षा र सहकालका देवता रातो मत्स्येन्द्रनाथको रथ आज तानिएको छ। हरेक वर्ष रथारोहण गरिएको चार दिनमा तान्ने चलनअनुसार रथ तानिएको हो।
यसपटक कोरोना महामारीका कारण साङ्केतिक रुपमा मात्र रथ तानिएको छ।
पुल्चोकको दमकलचोकस्थित जोगाम्बर पीठबाट लगभग १५ देखि २५ मिटर परसम्म मात्रै रथ तानेर विधि पुर्याइएको ज्यापू समाजका अध्यक्ष चन्द्र महर्जनले बताए।
यसअघिका वर्षहरुमा आजका दिनमा लोकेश्वरको रथ तानेर गाःबहाल लगिने गरिन्थ्यो।
गत बुधबार वैशाख शुक्लपक्ष प्रतिपदाका दिन साँझ छ बजेर १७ मिनेटमा करुणामयलाई रथारोहण गराइएको थियो। वैशाख १५ गते चैतकृष्ण प्रतिपदाका दिन रक्ताललोकितेश्वरलाई लगनखेल चोकस्थित मन्दिरमा महास्नान गराइएको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1743693674.png)
