काठमाडौं- नेकपा (एमाले)निकट विद्यार्थी संगठन अनेरास्ववियूले राजनीतिक दलसम्बन्धी अध्यादेशको विरोधमा प्रदर्शन गरेको छ।
राजधानीको रत्नराज्यलक्ष्मी (आरआर) क्याम्पस अगाडि उनीहरुले प्रदर्शन गरेका हुन्। प्रदर्शनकारीहरुले उक्त अध्यादेश खारेज गर्न माग गरेका छन्।
प्रदर्शनका क्रममा विद्यार्थीहरुले अध्यादेश जलाएर विरोध जनाएका थिए। त्यसक्रममा प्रहरीसँग झडपसमेत भएको थियो।
सरकारले प्रमाणीकरणका लागि पठाएको उक्त अध्यादेश राष्ट्रपति विद्यादेवी भण्डारीले बुधबार जारी गरेकी थिइन्।
यसअघि पार्टी विभाजनमा लागि केन्द्रीय कमिटी र संसदीय दलमा ४० प्रतिशत पुग्नुपर्ने व्यवस्था थियो। तर, अहिले अध्यादेशमा केन्द्रीय कमिटी वा संसदीय दलमा २० प्रतिशत भए पुग्ने व्यवस्था गरिएको छ।
उक्त अध्यादेश एमालेको माधवकुमार नेपालपक्ष र जसपाको महन्थ ठाकुरपक्षलाई दल विभाजनका लागि सहज बनाउन सरकारले ल्याएको हो।
एमालेको नेपाल समूह र जसपाको ठाकुरपक्षले निर्वाचन आयोगमा नयाँ दल दर्ताका लागि निवेदन दिइसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1710220882.jpg)
