भारतबाट खरिद गरेको कोभिशिल्ड खोप ७ महिनापछि आइपुग्यो

कोरोना अपडेट

नेपाल लाइभ शनिबार, असोज २३, २०७८ १५:५३

फाइल तस्बिर

काठमाडौं- सरकारले भारतको सेरम इन्स्टिच्युटसँग खरिद गरेको कोभिशिल्ड खोप ७ महिनापछि आइपुगेको छ। गत फागुनमा भारतसँग खरिदका लागि अग्रिम रकम बुझाएको १० लाख डोज कोभिशिल्ड खोप आज नेपाल आइपुगेको हो।

सरकारले सेरम इन्स्टिच्युटलाई २० लाख डोज खोपका लागि अग्रिम भुक्तानी गरेको थियो। जसमध्ये १० लाख डोज खोप आएको थियो भने बाँकी १० लाख डोज खोप ७ महिनापछि बल्ल आएको हो। खरिद गरेको सात महिनापछि बाँकी १० लाख डोज खोप शनिबार नेपाल ल्याइएको छ।

स्वास्थ्य तथा जनसंख्या मन्त्रालयका अनुसार शनिबार दिउँसो साढे २ बजे त्रिभुवन अन्तर्राष्ट्रिय विमानस्थलमा खोप बोकेर आएको जहाज अवतरण गरेको थियो।

खरिदको खोप आएपछि मन्त्रालयले उक्त कोभिशिल्ड खोप एस्ट्राजेनेकाको पहिलो मात्रा खोप लगाएका व्यक्तिहरुलाई दिने तयारी गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जम्मु–कस्मिरमा पर्यटकमाथि आतंकवादी हमला, एक नेपालीसहित २६ जनाको मृत्यु

आजको मौसमः कोशी र गण्डकी प्रदेशका केहि क्षेत्रमा वर्षाको सम्भावना

आईपीएलमा दिल्लीले लखनउलाई आठ विकेटले हरायो