प्रदेश १ मा कोरोना सङ्क्रमण घट्दो क्रममा

कोरोना अपडेट

रासस बुधबार, असोज २७, २०७८ २१:०५

विराटनगर- प्रदेश १ मा कोरोना सङ्क्रमण घट्दो क्रममा रहेको छ। प्रदेशमा पछिल्लो २४ घण्टामा २८ जनामा कोरोना सङ्क्रमण भएको छ।

एक सय १९ जनाको पीसीआर परीक्षण गर्दा २२ र ६८ जनाको एन्टिजेन परीक्षण गर्दा छ जनाको रिपोर्ट पोजिटिभ आएको सामाजिक विकास मन्त्रालयले जनाएको छ।

मन्त्रालयका अनुसार पीसीआर परीक्षणका आधारमा सुनसरीमा १५, मोरङमा चार, झापामा दुई र उदयपुरमा एक जनामा सङ्क्रमण देखिएको हो। सुनसरीको इटहरीमा ११, धरानमा तीन र रामधुनीमा एक, मोरङको विराटनगर र सुन्दरहरैचामा दुई/दुई झापाको भद्रपुर र मेचीनगरमा एक/एक र उदयपुरको उदयपुरगढीमा एक जनामा सङ्क्रमण देखिएको मन्त्रालयले जनाएको छ।