एमाले महाधिवेशनस्थलमा कोरोना खोप केन्द्र राख्न स्वास्थ्यमन्त्रीको निर्देशन

कोरोना अपडेट

नेपाल लाइभ बिहीबार, मंसिर ९, २०७८ १९:०३

काठमाडौं– स्वास्थ्य तथा जनसंख्या मन्त्री विरोध खतिवडाले चितवनको एमाले महाधिवेशनलाई मध्यनजर गरि खोप केन्द्र राख्न निर्देशन दिएका छन्।

एमालेको महाधिवेशन चितवनमा शुक्रबारदेखि सुरु हुँदैछ। चितवनमा भिडभाड बढ्ने हुनाले कोरोना खोपको व्यवस्थासहितको डेस्क सञ्चालन गर्न कर्मचारीलाई मन्त्री खतिवडाले निर्देशन दिए।

एमालेको नामै नलिइ उनले भने, ‘चितवनमा एउटा पार्टीको सम्मेलन हुँदैछ। आजैबाट चितवनमा डेस्क राखिदिनुस्। २० हजारले खोप लिनेछन्।’

कांग्रेसले महाधिवेशन प्रतिनिधि छान्ने क्रममा पनि जिल्ला जिल्लामा भिड भएकाले ती स्थानमा पनि खोप केन्द्र राख्न उनले सुझाए।

सभा, सम्मेलन, बस स्टेशन, सप्ताह लगायत भिडभाड हुने ठाउँमा खोप केन्द्र राख्न सकिनेतर्फ उनले कर्मचारीलाई सचेत बनाए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

केन्द्राध्यक्षलाई काठमाडौं आउन शिक्षक महासंघको अपील

भोलिदेखि शिक्षक आन्दोलन बिहान १० देखि २ बजेसम्म हुने

गभर्नर छनोट सिफारिस समिति सदस्यबाट विजयनाथ भट्टराईले दिए राजीनामा