प्रकाशमान भन्छन्– सभापतिबाट पछि हट्दिन, उम्मेदवारी दर्ता गर्छु

महाधिवेशन विशेष

नेपाल लाइभ बिहीबार, मंसिर २३, २०७८ १७:५४

काठमाडौं– नेपाली कांग्रेसका नेता प्रकाशमान सिंहले आफू सभापतिको उम्मेदवारबाट पछि नहट्ने बताएका छन्।

आफ्नै निवासमा सञ्चारकर्मीसँगको कुराकानीमा नेता सिंहले आफूले शनिबार सभापतिमा उम्मेदवारी दर्ता गराउने बताए।

‘साथीहरुले छलफल गरौं मात्र भन्नुभयो। मैले न्याय दिनुपर्छ भनेको हो,’ उनले भने, ‘त्यसो हुन सक्दैन भने महाधिवेशनका प्रतिनिधिले जे गर्छन् त्यसरी जाउँ भन्ने मेरो धारणा हो।’

उनले राजनीतिक दृष्टिकोणबाट नै सबैलाई न्याय होस् भन्ने आफ्नो चाहना रहेको समेत बताए।

‘यत्तिकै म किन ब्याक हुने? ब्याक हुनका लागि घोषणा गरेको नै होइन,’ उनले भने, ‘१३औं महाधिवेशनमा म ब्याक भएकै हो नि। सभापति र महामन्त्री दुवैबाट।’

पर्सी (शनिबार) मनोनय दर्ताको समय रहेको भन्दै नेता सिंहले आफूले पार्टी सभापतिका लागि मनोनयन दर्ता गर्ने बताए।

‘१३औं महाधिवेशनपछि पार्टी अत्यन्तै कमजोर भयो। कांग्रेस कमजोर भएका कारणले कम्युनिस्टले प्रहार गर्न थाले,’ उनले भने, ‘पार्टी ठिक ठाउँमा ल्याउनुपर्‍यो भन्ने हो। पुरानै तरिकाले हिँडेर त भए न नि।’

उनले न्यायसंगत रुपमा हुने सहमतिमा आफू तयार रहेको पनि बताए। संस्थापन इतर पक्षमा रहेका नेताहरुबीच साझा उम्मेदवार तय गर्ने विषयमा पटक–पटक छलफल भए पनि टुंगो लाग्न सकेको छैन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

७२ घण्टाभित्र माग सम्बोधन नभए आन्दोलन गर्ने कर्मचारीहरूको चेतावनी

विद्यालयको चाबी बोकेर काठमाडौं आउन विद्यालय कर्मचारीलाई निर्देशन

केन्द्राध्यक्षलाई काठमाडौं आउन शिक्षक महासंघको अपील