सभापति देउवालाई बधाई दिँदै पौडेलले भने– एकताबद्ध कांग्रेस निर्माण होस्

महाधिवेशन विशेष

नेपाल लाइभ बुधबार, मंसिर २९, २०७८ ११:२६

काठमाडौं– नेपाली कांग्रेसका वरिष्ठ नेता रामचन्द्र पौडेलले पार्टीका नवनिर्वाचित सभापति शेरबहादुर देउवालाई बधाई दिएका छन्। देउवा पुनः सभापतिमा निर्वाचित भएपछि विज्ञप्ति जारी गर्दै पौडेलले बधाई तथा शुभकामना व्यक्त गरेका हुन्।

राष्ट्रिय र पार्टी जीवन इतिहासको अत्यन्त गम्भीर मोडमा पुगेको उल्लेख गर्दै सन्देशमा पौडेलले देउवाबाट सकारात्मक भूमिका निर्वाह हुने अपेक्षा गरेका छन्। साथै उनले देउवाबाट एकताबद्ध कांग्रेस निर्माण हुने अपेक्षा पनि राखेका छन्।

‘एकातिर सात दशक लामो संघर्षबाट स्थापित लोकतन्त्र र संविधानसभामार्फत जारी संविधान अहिले खतरामुक्त भइसकेको छैन भने अर्कातिर नेपाललाई अस्थिरता र अधोगतितिर धकेल्ने प्रपञ्च जारी छ,’ पौडेलद्वारा जारी सन्देशमा भनिएको छ, ‘यी दुवै संकटबाट देशलाई पार लगाउनका लागि एकताबद्ध र सुदृढ नेपाली कांग्रेस आजको आवश्यकता हो।’

कांग्रेसको १४ महाधिवेशनमा दोस्रो चरणको निर्वाचनमा शेखर कोइरालालाई पराजित गर्दै देउवा दोस्रो कार्यकालका लागि सभापतिमा दोहोरिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पृथ्वीबाट खर्बौँ माइल टाढा रहेको ग्रहमा जीवन भएको 'आशालाग्दो सङ्केत'

तीन प्रतिष्ठानका रेक्टर र पोखराका डिनले पाए निमित्त उपकुलपतिको जिम्मेवारी

जुम्लावासीका समस्या समाधानका लागि संघीय सरकार प्रतिबद्ध : मन्त्री यादव