बीपी, गणेशमान, किसुनजीको ‘विचार’का असली छोरा हामी हौं : धनराज गुरुङ

महाधिवेशन विशेष

नेपाल लाइभ बुधबार, मंसिर २९, २०७८ १६:२२

काठमाडौं- नेपाली कांग्रेसको १४औं महाधिवेशनमा उपसभापतिका प्रत्यासी धनराज गुरुङले आफूहरु कांग्रेस नेता बीपी कोइराला, प्रकाशमान सिंह र कृष्णप्रसाद भट्टराईका विचारका छोरा भएको बताए।

काठमाडौंको प्रज्ञा भवनमा बुधबार सभापतिका प्रत्यासी डा शेखर कोइरालाको धन्यवाद ज्ञापन कार्यक्रममा उनले यस्तो बताएका हुन्।

उनले भने, 'को उनीहरुको छोरो भन्छ। तर, परिआउँदा नैतिकता पनि बेचिदिनुपर्छ भन्ने मान्यता राख्छ भने त्यो ती नेताको छोरो हुन सक्दैन। बीपी, गणेशमान, किसुनजीका रगतका छोरा होइनौं। तर, हामी विचारका सच्चा छोरा हौं।'

आफूहरु सदाचार र विचारको पक्षमा उभिएकाले ती नेताहरुको उत्तराधिकारी रहेको उनले बताए। उनले थपे, 'टाउको अलिकति कम भयो होला, विचारले जितेको छ। उच्च मनोबल लिएर अघि बढौं। असफल भएपनि हामी अभ्यास गरिरहन्छौं।'

उनले आफ्नो समूहले ४० प्रतिशत ल्याएर राजनीतिक परीक्षा पास गरिसकेको समेत बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पृथ्वीबाट खर्बौँ माइल टाढा रहेको ग्रहमा जीवन भएको 'आशालाग्दो सङ्केत'

तीन प्रतिष्ठानका रेक्टर र पोखराका डिनले पाए निमित्त उपकुलपतिको जिम्मेवारी

जुम्लावासीका समस्या समाधानका लागि संघीय सरकार प्रतिबद्ध : मन्त्री यादव