पल शाह प्रकरण : पक्राउ परे 'अभियन्ता' भनिने हरि उदाशी

सुरक्षा/अपराध

नेपाल लाइभ सोमबार, फागुन २३, २०७८ १८:०१

काठमाडौं– कलाकार पल शाह प्रकरणमा नाबालिगको चरित्र हत्या हुनेगरि अभिव्यक्ति दिएको भन्दै आफूलाई 'अभियन्ता' बताउने हरि उदाशी पक्राउ परेका छन्।

उनलाई प्रहरीको साइबर ब्यूरोको टोलीले पक्राउ गरेको हो। उनले विभिन्न युट्युब च्यानलमा अन्तर्वार्ता दिँदै नाबालिगको चरित्र हत्या हुने अभिव्यक्ति दिएपछि पक्राउ गरिएको प्रहरीले जनाएको छ।

यही प्रकरणमा ब्यूरोले यसअघि गुल्मीको भनभने–९ घर भएका युट्युबर राहुल थापालाई पक्राउ गरेको थियो।

उनी सेलेब युट्युब च्यानलका सञ्चालक हुन्। रुपन्देही बस्दै आएका २१ वर्षीय थापाले नाबालिग गायिका र नायिका रेखा थापामाथि मानमर्दन हुनेगरी टिप्पणी गरेको त्यस प्रकारका सामाग्री आफ्नो युट्युब च्यानलमार्फत प्रसारण गरेको आरोप लागेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

मोहन बस्नेतको सांसद् पद निलम्बन

गभर्नरमा मेरिटोक्रेसीका आधारमा क्षमतावान व्यक्ति नियुक्त हुन्छ - प्रधानमन्त्री ओली

आईएमएफले पाकिस्तानलाई दियो १ अर्ब डलर