हत्या भएकाे २५ दिनपछि सिद्धु मुसेवालाको नयाँ गीत सार्वजनिक

संगीत

नेपाल लाइभ शुक्रबार, असार १०, २०७९ १२:३९

काठमाडौं– पञ्जाबी गायक सिद्धु मुसेवालाको हत्या भएको २५ दिनछि उनको नयाँ गीत सार्वजनिक भएको छ। मुसेवालाको आधिकारिक युट्युब च्यानलमार्फत ‘एसवाइएल’ बोलको उक्त गित सार्वजनिक भएको छ।

गीतले आधा घण्टामा नै १० लाखभन्दा धेरै भ्युज् पाएको थियो। मुसेवालाको यो गीत पञ्जाब–हरियाणाको विवादित सतलुज यमुना लिंक नहरको मुद्दामा आधारित रहेको छ।

मुसेवालाको २९ मेमा गोली हानी हत्या गरिएको थियो। उनको हत्यापछि रेकर्ड भएका तर काम पूरा नभएका उनका गीतहरूलाई उनको टिमले परिवारलाई सुम्पिएको थियो। अन्नतः उनको मृत्युपछि नयाँ गीत पनि सार्वजनिक भएको छ।

मुसेवालाको यो गीत विवादित विषयमा आधारित छ। उक्त गीतमा मुसेवालाले एसवाइएल नहरको मुद्दा उठाएका छन्। उनले पञ्जाबसँग कसैलाई दिने पानी नभएको बताउँदै जेलमा भएका पञ्जाबका नागरिकहरुलाई रिहाई गर्नुपर्ने बताएका छन्।

मुसेवालाका अझैं केही गीतहरु सार्वजनिक हुन बाँकी नै छन्। रेकर्ड गरिएर राखिएका उनका अन्य गीतहरुलाई ६ महिनाको अन्तर राखेर रिलिज गरिने उनको टिमले बताएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पृथ्वीबाट खर्बौँ माइल टाढा रहेको ग्रहमा जीवन भएको 'आशालाग्दो सङ्केत'

तीन प्रतिष्ठानका रेक्टर र पोखराका डिनले पाए निमित्त उपकुलपतिको जिम्मेवारी

जुम्लावासीका समस्या समाधानका लागि संघीय सरकार प्रतिबद्ध : मन्त्री यादव