काठमाडौं– महिला विश्वकपको फाइनलपछिको पुरुस्कार वितरण समारोहमा स्पेनकी फरवार्ड जेनी हर्मोसोलाई चुम्बन गरेपछि विवादमा परेका स्पेनिस फुटबल महासंघका अध्यक्ष लुइस रुबियल्सले राजीनामा दिएका छन्।
इङ्ल्याण्डलाई १–० गोलले हराएर विश्वकपको उपाधि जितेको खुसीयाली मनाउने क्रममा रुबियल्सले ३३ वर्षीया हर्मोसोलाई चुम्बन गरेका थिए। उक्त चुम्बन सहमतिमा नभएको भन्दै हर्मोसोले कानुनी उजुरी समेत दिएकी थिइन्।
रुबियल्सले महासंघका कार्यवाहक अध्यक्ष पेड्रो रोचालाई एक विज्ञप्ति जारी गर्दै राजीनामा बुझाएको बताएका छन्। ‘म मेरो काम जारी राख्न सक्दिन,’ उनले पियर्स मोर्गनलाई उनको टेलिभिजन कार्यक्रममा भने।
४६ वर्षीय रुबियल्सले युइएफएको कार्यकारी समितिको उपाध्यक्ष पदबाट पनि राजीनामा दिएका छन्।
चुम्बनको नतिजाले हालैका हप्ताहरूमा स्पेनी फुटबललाई घेरेको थियो। उक्त विवादले स्पेनको विश्वकप जितलाई छायामा पारेको थियो। राजीनामा दिनका लागि आइरहेको दबाबलाई लामो समयसम्म बेवास्ता गरेका रुबियल्सले अन्तत: काम गर्न नसक्ने भन्दै पद त्याग गरे।
टेलिभिजन कार्यक्रममा मोर्गनले रुबियल्सलाई सोधेका थिए कि कुन कुराले उनलाई अन्ततः राजीनामा दिन बाध्य तुल्यायो। रुबियल्सले आफ्नो परिवारसँग कुरा गरेको र साथीहरूको सल्लाह सुनेको बताए।
‘मेरा बुबा, मेरा छोरीहरू, मैले उनीहरूसँग कुरा गरेँ। उनीहरूलाई थाहा छ यो मेरो बारेमा प्रश्न होइन। र मसँग धेरै नजिकका साथीहरूले मलाई भने, लुइस तिमीले आफ्नो मर्यादामा ध्यान केन्द्रित गर्न र आफ्नो जीवन जारी राख्न आवश्यक छ,’ मोर्गनसँगको टेलिभिजन कार्यक्रममा रुबियल्सले भने।
रुबियल्सले चुम्बन ‘आपसी सहमति’मा भएको दाबी गरे, तर फुटबलको विश्व प्रशासक निकाय फिफाले अस्थायी रूपमा निलम्बन गरेको थियो।
‘फिफाले गरेको द्रुत निलम्बन र म विरुद्धको बाँकी खुला कारबाही पछि, यो स्पष्ट छ कि म आफ्नो स्थितिमा फर्कन सक्षम हुने छैन,’ रुबियल्सको विज्ञप्तिमा भनिएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1745137918.png)
-1743318385.png)
