काठमाडौं- खुलामञ्च (हाल बसपार्क रहेको स्थान) अतिक्रमण गरेर बनाइएको सटर भत्काइएको छ। काठमाडौं महानगरपालिकाले डोजर परिचालन गरी ती सटर शनिबार भत्काएको हो।
महानगरपालिका र मनोजकुमार भेटवालको कम्पनी स्वच्छन्द बिकोई बिल्डर्सको मिलेमतोमा खुल्लामञ्च ठेक्का दिएको कुरा बाहिरएपछि सरोकारवालाले दबाब दिएका थिए।
संरक्षण अभियन्ताहरूले बिहीबार राजधानीमा विरोध प्रदर्शन पनि गरेका थिए।
खुलामञ्चभित्र करिब ४० वटा सटर खडा गरेर पसल सञ्चालन हुँदै आएका थिए।
भेटवालले कम्पनीले एउटा सटरको अग्रिम १०/११ लाख रुपैयाँ लिएर बिक्री गरेको थियो।
जिल्ला प्रशासन कार्यालयका प्रमुख रामप्रसाद आचार्य समेतको उपस्थितिमा खुलामञ्चमा निर्माण गरिएको सटरहरुमा डोजर लगाइएको हो।
खुलामञ्चमा निर्माण भएका संरचना भत्काउने कार्यमा उपस्थित काठमाण्डौका प्रमुख जिल्ला अधिकारी आचार्यले महानगरले नै सम्झौता गरेको र महानगरले नै सम्झौताविपरीत संरचना निर्माण भएको भन्दै संरचना भत्काउने निर्णय गरेकाले सो निर्णयलाई आफूहरुले सहयोग गरेको बताए।
पुराना ९ वटालाई छोडेर नया ४२ वटा सटर भत्काइएको छ।
सटर भाडामा लिई व्यवसाय गरेका व्यापारीहरु भने आक्रोशित बनेका थिए।
उनीहरुले महानगरले व्यवसायको प्रलोभन देखाएर गरिबलाई मार्ने काम गरेको भन्दै आफ्नो लगानीको पैसा फिर्ताको सुनिश्चिता गर्न माग गरे।
सडक निर्माणको समयमा कयौ रुख कटान भएको तथा संरचना निर्माण पछि व्यवसाय संञ्चालन भएपछि मात्रै यो विषयलाई उचालेको भन्दै मिडियाप्रति पनि उनीहरुले आक्रोश पोखे।
सार्वजनिक स्थानलाई महानगरले नै ठेक्का दिएको खुलासा भएसंगै सो कार्यको चौतर्फी विरोध भएको थियो।
त्यसपछि महानगरले सटर भत्काउने निर्णय गरेको थियो। प्रमुख जिल्ला अधिकारी आचार्यले पीडीतको जाहेरीका आधारमा अनुसन्धान गरि दोषीलाई कारबाही गरिने बताए।
व्यापारीका सामान बाहिर निकालेर सडक भत्काईएको थियो। तर ताल्चा लगाईएका सटरका सामान भने भत्काउने क्रममा यत्रतत्र छरिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751886908.jpg)
-1752043710.jpg)
-1752245592.jpg)
-1749826086.png)
