आठराईका उदयनारायण ५ वर्षदेखि फलामे खोरमा, उपचारका लागि रकम संकलन

विचार

नेपाल लाइभ बिहीबार, फागुन २४, २०७४ ०८:२७

आठराई- तेह्रथुम आठराई गाउँपालिका–६ चुहानडाँडास्थित बोखिममा ५ वर्षदेखि फलामे खोरमा थुनिएका उदयनारायण दाहालको उपचारका लागि प्रवासी नेपालीबाट सहयोग रकम उपलब्ध भएको छ।

तेह्रथुम घर भई हाल साउदी अरबमा रहेका रामचन्द्र मैनालीको अगुवाइमा संकलित ३६ हजार रुपैयाँ दाहालको परिवारलाई हस्तान्तरण गरिएको छ।

सहयोग रकम आठराई गाउँपालिका–६ का वडाध्यक्ष तेजमान कन्दङ्वा र वडा सदस्य लक्ष्मीप्रसाद बास्कोटाले संयुक्त रुपमा उदयनारायणका बुबा चुँडामणि दाहाल र आमा मैना दाहाललाई हस्तान्तरण गरेका छन्।

सहयोग रकम हस्तान्तरण गर्दै वडाध्यक्ष कन्दङ्वाले दाहालको उपचार र उद्धारका लागि वडा कार्यालयबाट पनि सहयोग उपलब्ध गराउने बताए।

वैदेशिक रोजगारीका क्रममा २०६३ सालमा दुबई पुगेका दाहाल १० महिनापछि मानसिक सन्तुलन गुमाएर घर फर्किएपछि उपचारका लागि ५ लाख रुपैयाँ खर्च भइसकेको उनका बुबा चुँडामणि दाहालले बताए। आर्थिक रकमको अभावमा थप उपचार गर्न परिवारले नसक्ने भएपछि ३४ वर्षीय दाहाललाई परिवारले पाँच वर्षदेखि फलामको खोरमा राखेको छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

जेनेभामा स्वास्थ्य मन्त्री पाैडेलले भने- ‘वैदेशिक विकास सहायता कटौतीले नेपालको मातृशिशु स्वास्थ्यमा समस्या’

दुर्गा प्रसाईंलाई थप ४ दिन हिरासतमा राख्न अदालतको अनुमति

पशुपति क्षेत्र विकास कोषभित्र जुवा खेलिरहेका ७ जना पक्राउ