काठमाडौं- मानिसले आफ्नो सोखअनुसार शरीरमा विभिन्न आकृतिका ट्याटु बनाउने गरेको सुनिएकै हो। तर यहाँ कारमा समेत ट्याटु बनाइएको छ। यो पहिलो पटक सुनिएको भारतीय अटोसाइट अटोडट एनडिटिभीले लेखेको छ।
जापानी कार कम्पनी टोयोटाको लक्जरी ब्रान्ड लेक्ससले युएक्स कम्प्याक्ट एसयुभीमा पहिलो पटक ट्याटु बनाएको हो। सो कारमा लन्डनका ट्याटु आर्टिस्ट क्लाउडिया डे सबेले ट्याटु बनाएका हुन्।
लेक्ससको पूर्ण सेतो कारलाई ट्याटु आर्टिस्ट सबेले विभिन्न उपकरणको प्रयोग गरेर ट्याटु बनाएकी हुन्। उक्त कारमा परम्परागत जापानी कला झल्कने चित्रसहितको ट्याटु बनाइएको हो।
कारमा ट्याटु बनाउन ५ लिटर उच्च गुणस्तरको कार पेन्ट प्रयोग गरिएको छ। ट्याटुलाई फाइनलाइज गर्न सुन प्रयोग गरिएको थियो। यसले बनाउने खोजेको चित्रलाई आकर्षक देखाउन र डिजाइनलाई थ्री डी इफेक्ट दिन मद्दत गरेको ट्याटुकारले बताइन्।
यो कारमा ट्याटु बनाउन ६ महिना लागेको थियो। सुरुवाती चरणको डिजाइन गर्नदेखि सडकमा गुडाउन मिल्नेगरी तयार पार्न उक्त समय लागेको हो। त्यसका लागि आर्टिस्ट सबेले दैनिक ८ घण्टा काम गरेकी थिइन्।
ट्याटु बनाइएको लेक्सस युएक्सको मूल्य यति नै पर्छ भन्ने यकिन छैन। कारको मूल्य र ट्याटु बनाउन लागेको लागतसहित मूल्यांकन गर्ने हो भने यसको मूल्य करिब १ करोड भारु अर्थात् १ करोड ६० लाख रुपैयाँ (कर बाहेक) पर्ने अनुमान गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751699315.jpg)
-1751533150.jpg)
-1749826086.png)
