हेलसिन्की- फिनल्याण्डले शनिबार कोरोना भाइरस संक्रमणका कारण एक व्यक्तिको मृत्यु भएको जानकारी गराएको छ। फिनल्याण्ड सरकारले यूरोपेली यस मुलुकमा कोरोना भाइरसको संक्रमण ५२१ जनामा संक्रमण भएको भएपनि यसका कारण फिनल्याण्ड मृत्यु भएको यो नै पहिलो घटना भएको भन्दै देश कोरोना भाइरस संक्रमणको थप गम्भीर अवस्थामा पुगेको बताएको छ।
फिनिस इन्स्टिच्युट फर हेल्थ एन्ड वेलफेयरले मृत्युको पुष्टि गरे पनि मृतकका बिषयमा विस्तृत विवरण भने दिएको छैन। मृतक हेल्सिन्कीमा बस्ने एक वृद्ध व्यक्ति रहेको र उनको शुक्रबार उपचारका क्रममा मृत्यु भएको बताइएको छ।
फिनल्याण्डका प्रधानमन्त्री साना मरिनले कोरोना सङ्क्रमितको सङ्ख्या बढ्ने क्रम बढेपछि राज्यमा स्वास्थ्य सङ्कटकालको घोषणा गरेपछि ठूलो सङ्ख्यामा भेला हुन वा सभा सम्मेलन गर्न निषेध गरिएकाे थियो।
सोमबारको सरकारी निर्णय अनुसार संक्रमणलाई नियनत्रण तथा रोकथामका लागि फिनल्याण्डमा १० जनाभन्दा बढी व्यक्तिलाई भेला हुन रोक लगाइएको छ भने देशभर विद्यालयहरू बन्द गरिएको छ। (रासस/एएफपी)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749801778.jpg)
-1749826086.png)
