काठमाडौं- क्यानडाको एक कम्पनीले इलेक्ट्रिक सुपरबाइक (माेटरसाइकल) बनाएको छ। डामोन मोटरसाइकल्स कम्पनीले इलेक्ट्रिक सुपाबाइक हाइपरस्पोर्ट प्रिमियर बनाएको हो।
हाइपरस्पोर्ट प्रिमियरको नयाँ भर्सनको रूपमा हापपरस्पोर्ट आर्कटिक सन र हाइपरस्पोर्ट मिडनाइट सन नामसहित सार्वजनिक गरेको हो। दुबै बाइक लिमिटेड एडिसनमा उपलब्ध हुनेछ।
यी दुबै इलेक्ट्रिक सुपर मोटरसाइकलमा बजारमा उपलब्ध मध्ये यस्तै भर्सनका अन्य मोटरसाइकल भन्दा एडभान्स प्रविधिमा आधारित रहेको कम्पनीले दाबी गरेको छ। हाइपरस्पोर्ट यी दुबै मोटरसाइकलको मूल्य ३९ हजार ९ सय ९५ डलर (३० लाख ५० हजार भारतीय रुपैयाँ) तोकिएको छ।
नेपालमा लाग्ने कर बाहेक नै यी इलेक्ट्रिक सुपर मोटरसाइकलको मूल्य करिब ४९ लाख रूपैयाँ पर्छ। कम्पनीले यी मोटरसाइकलको बुकिङ खुल्ला गरेको छ।
पावर र लुक्स
दुबै मोटरसाइकल निक्कै आकर्षक देखिन्छ। एलइडी लाइट, कर्ब प्यानल, रेकेड विन्डस्क्रिनलगायत विषेशताले पनि थप आकर्षक बनाएको छ। यी मोटरसाइकलमा २० केडब्लुएच ब्याट्री प्याक छ। यसमा लिक्विड कुल्ड इलेक्ट्रिक मोटर छ जसले २ सय १४.५ बिएचपी पावर र २ सय एनएम टर्क दिन्छ।
स्पीड र रेन्ज
कम्पनीका अनुसार याे इलेक्ट्रिक सुपर मोटरसाइकल एकपटक फुल चार्ज गर्दा ३ सय २२ किलोमिटर कुद्न सक्छ।
त्यसैगरी मोटरसाइकलको अधिकतम गति पनि ३ सय २२ किलोमिटर प्रतिघण्टा रहेको छ। यो इलेक्ट्रिक सुपर मोटरसाइकलले ३ सेकेन्डभन्दा कम समयमा शून्यदेखि १ सय किलोमिटर प्रतिघण्टाको दूरी तय गर्नसक्छ। मुख्य कुरा त यी इलेक्ट्रिक बाइक २० मिनेटमा ८० प्रतिशत चार्ज हुन्छ। त्यस्तै लेवल टू चार्जरबाट ३ घण्टा भन्दा कम समयमा फुल चार्ज हुन्छ।
सुरक्षा विशेषता
आर्कटिक सन र मिडनाइट सन दुबै इलेक्ट्रिक सुपरबाइकमा रडार सञचालित क्र्यास डिटेक्सनसमेत छ। त्यस्तै भरइकल अभोइडेन्स वार्निङ सिस्टम उपलब्ध छ।
यो विशेषता भएको मोटरसाइकल चोरी हुनसक्दैन। साथै सवारी चालकलाई मोटरसाइकल गुडिरहँदा अवरोध आए जानकारीसमेत गराउँछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
