जोरबिजोरका आधारमा बिहीबारदेखि सार्वजनिक सवारी चल्ने

कोरोना अपडेट

जोरबिजोरका आधारमा बिहीबारदेखि सार्वजनिक सवारी चल्नेचालक/सहचालकको बिमा गर्न एक सातामा विवरण संकलन गरिने

नेपाल लाइभ मंगलबार, साउन ६, २०७७ १६:०३

काठमाडौं- यातायात व्यवसायीहरू आउँदो बिहीबारदेखि सबै सार्वजनिक यात्रुबाहक बस चलाउन सबै व्यवसायीलाई अग्रह गर्ने भएको छ। नेपाल यातायात व्यवसायी राष्ट्रिय महासंघले मंगलबार पत्रकार सम्मेलन गरी यस्तो आग्रह गरेको हो।

सोमबार यातायात व्यवस्था विभागका महानिर्देशक, नेपाल यातायात व्यवसायी राष्ट्रिय महासंघ, तीनवटा ट्रेड युनियनहरू नेपाल यातायात स्वतन्त्र मजदुर संगठन, अखिल नेपाल यातायात मजदुर संघ र नेपाल यातायात मजदुर संघ, महानगरीय ट्राफिक प्रहरी महाशाखाबीच छलफल भएकाे थियाे।

उक्त छलफलमा मुख्यगरी ४ वटा सहमति भएको हो। यातायात श्रमिकहरूकाे समूहिक काेराेना बिमाकाे प्रिमियम सरकार र यातायात व्यवसायीले आधा आधा भुक्तानी गर्ने, यातायात श्रमिक काेराेनाका कारण मृत्यु भएमा आश्रित परिवारलाई क्षतिपूर्तिका लागि सरकारकाे तर्फबाट काेष स्थापना गर्न विभागले सम्बन्धित मन्त्रालयमा सिफारिस गर्ने, यातायात श्रमिकहरूका लागि आवश्यक सम्पूर्ण स्वास्थ्य सामग्रीहरू (मास्क, स्यानिटाइजर, पन्जा, पिपिई) सम्बन्धित व्यवसायीले उपलब्ध गराउने, लामाे, छाेटाे र मध्यम दूरीका सबै सवारी साधनहरू सञ्चालन गर्न विभागको मार्फत सम्बन्धित मन्त्रालयमा सिफारिस गर्नेलगायत सहमति भएको हो।

पुनर्कर्जालगायत बैंकिङका विषयमा राष्ट्र बैंकले मौद्रिक नीति मार्फत संबोधन गरेको र चालक सहचालकको कोरोना बिमाकाे प्रिमियम सरकार र व्यवसायीले आधा आधा व्यहोर्ने सहमति जुटेपछि व्यवसायीहरू बस चलाउन राजी भएका हुन्।

सरकारले साउन ७ गतेसम्म लकडाउन गरेकाले त्यसपछि सबै व्यवसायीलाई सवारी साधन चलाउन आग्रह गरेको नेपाल यातायात व्यवसायी राष्ट्रिय महासंघका अध्यक्ष योगेन्द्रनाथ कर्माचार्यले बताए। अन्तर जिल्लाभन्दा पनि छोटो, मध्यम तथा लामो दूरीका सवारीसाधन चलाउन दिनुपर्ने व्यवसायीहरूले बताएका छन्। कम्तिमा प्रदेशभित्र बस चल्न दिनुपर्ने उनीहरूको भनाइ छ।

यद्यपि उपत्यकामा साझा, मयूर, महसागर, सुन्दरलगायत बसहरू चलिरहेका छन्। सरकारले असार २६ गतेदेखि उपत्यका र अन्य जिल्लाको हकमा जिल्लाभित्र सञ्चालन हुनेगरी यात्रुबाहक बस चल्न दिने निर्णय गरेको थियो। त्यसरी चल्ने बसले सिट क्षमताको आधामात्र यात्रु बोक्न पाउने, स्वास्थ्य सुरक्षाकाका उपायहरू अपनाउनुपर्ने व्यवस्था गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

धवलशमशेर राणा हाजिर जमानीमा रिहा, उपचारकाे लागि भारत जाँदै

पाथीभरा जाँदै गरेको गाडीमा करेन्ट लाग्यो, चारजनाको मृत्यु, दुई गम्भीर

कर्णाली स्वास्थ्य विज्ञान प्रतिष्ठानको निमित्त उपकुलपतिमा डा.धामी