५० प्रतिशत यातायात अझै सञ्चालन हुन सकेनन्

अटो

नेपाल लाइभ शुक्रबार, माघ २, २०७७ १२:५०

फाइल तस्बिर

काठमाडौं- कोभिडका कारण २०७६ चैतदेखि बन्द भएको यातायात तथा भण्डारण क्षेत्र अझ पूर्ण रुपमा सञ्चालनमा आउन सकेका छैनन्। नेपाल राष्ट्र बैैंकले गरेको पछिल्लो अध्ययनअनुसार मंसिरमा साढे १२ प्रतिशत यातायातका साधान सञ्चालन हुन सकेका थिएनन्।

नेपाल राष्ट्र बैंकले कोभिड–१९ ले अर्थतन्त्रमा पारेको प्रभावसम्बन्धी प्रथम पुनरावृत्ति सर्वेक्षणको प्रतिवेदनअनुसार ५० प्रतिशत यातायात तथा भण्डारण क्षेत्र सञ्चालनमा आउन नसकेको उल्लेख छ। राष्ट्र बैंकले सार्वजनिक गरेको अध्ययनको तथ्यांकअनुसार मंसिरसम्म आइपुग्दा साढे १२ प्रतिशत यातायात तथा भण्डारण क्षेत्र सञ्चालनमा आउन नसकेको उल्लेख छ।

सञ्चालनमा आएका यातायात तथा भण्डारण क्षेत्रको कोरोबार पनि न्युन छ। राष्ट्र बैंकले सार्वजनिक गरेको प्रतिवेदनअनुसार यातायात क्षेत्रको कारोबार असारमा १५.७२ प्रतिशतमात्रै थियो भने मंसिरमा कारोबार बढेर ५५ प्रतिशत पुगेको छ।

कोभिड महामारकै समयमा असार र मंसिरको तुलनामा यातायात तथा भण्डारण क्षेत्रको खर्चसमेत बढेको छ। असारमा यातायात क्षेत्रको औसत तलब–ज्याला खर्च ५६ प्रतिशत थियो भने मंसिरमा आइपुग्दा यो ८० प्रतिशत पुगेको छ।

कोरोना भाइरहको संक्रमण बढेपछि २०७६ चैतदेखि गरिएका लकडाउनसँगै बन्द भएका सार्वजनिक सवारी असार अन्तिमदेखि आंशिक रुपमा सञ्चलानमा आएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई विश्वप्रकाशको चुनौती : चुनावबाट मत जितेर चाहेजस्तो व्यवस्था ल्याउनुहोस्

सेतो मछिन्द्रनाथको रथ जात्रा सुरु

आईपीएल : चेन्नईलाई २५ रनले हराउँदै दिल्लीको लगातार तेस्रो जित