एक महिनामा बिएमडब्लूका दुई कार भित्रिए

अटो

नेपाल लाइभ बुधबार, माघ ७, २०७७ १४:३०

काठमाडाैं-एक महिनाको अवधिमा नेपालमा बिएमडब्लुका २ कार भित्रिएका छन्। डिसेम्बर १५ देखि जनवरी १३ सम्मको अवधिमा बिएमडब्लू एक्स थ्री र एक्स फाइभ भित्रिएका हुन्।

बिएमडब्लू एक्स थ्री १९ सय ९८ सिसी इन्जिन क्षमताको कार हो। बिएमडब्लू एक्स फाइभ प्लग इन हाइब्रिड कार हो। यो कार २९ सय ९८ सिसीको हो।

यो कारको सिआइएफ भ्यालू अर्थात खरिद गरेदेखि वीरगञ्ज आइपुग्दासम्मको मूल्य १ करोड ४ लाख २० हजार ७४ रुपैयाँ रहेको छ। त्यस्तै एक्स थ्रीको सिआइएफ भ्यालू ६१ लाख ६३ हजार ५ सय २० रुपैयाँ रहेको छ।

गत जेठ दोस्रो साता जर्मन विलासी कार निर्माता कम्पनी बिएमडब्लूका कार भित्रिएका थिए। लक्ष्मी ग्रुप अन्तर्गतको लक्ष्मी प्रिमियम मोटर्सले मंसिर तेस्रो साता बिएमडब्लू ब्रान्डको औपचारिक सार्वजनिक गरेको थियो।

यसअघि बिएमडब्लूका एक दर्जन कार बिक्री भएको कम्पनीले जनाएको छ। लक्ष्मी प्रिमियमले बिएमडब्लूको सेभेन सिरिज हाइब्रिड कारसमेत भित्र्याएको थियो। उक्त कार बिएमडब्लूले नेपाल ल्याएकोमध्ये सबैभन्दा महंगो हो।

प्रिमियम ब्रान्डको कार महंगो भएको र कोरोना भाइरसको संक्रमणका कारण उपभोक्ताले विलासी सवारीमा लगानी गर्न रुची देखाएका छैनन्। तथापि सवारी आयात भने भइरहेको छ। प्रिमियम गाडीहरु बुकिङ भएपछि आयात गर्ने चलन रहेको छ।

लक्ष्मी प्रिमियम मोटर्सले तीनकुनेमा बिएमडब्लूको सोरुम सञ्चालनमा ल्याएको छ। उक्त सोरुम विश्वस्तरीय रहेको र थ्रीएस सर्भिस उपलब्ध रहेको कम्पनीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई विश्वप्रकाशको चुनौती : चुनावबाट मत जितेर चाहेजस्तो व्यवस्था ल्याउनुहोस्

सेतो मछिन्द्रनाथको रथ जात्रा सुरु

आईपीएल : चेन्नईलाई २५ रनले हराउँदै दिल्लीको लगातार तेस्रो जित