वासिंटन- राष्ट्रपतिमा निर्वाचित जो बाइडेन र उपराष्ट्रपतिमा निर्वाचित कमला ह्यारिसले स्थानीय समयानुसार करिब १२ बजे सपथ ग्रहण गर्ने कार्यक्रम छ। यो नेपाली समय अनुसार बुधबार राती पौने ११ बजे हो। उनीहरूहरूलाई अमेरिकी सर्वोच्च अदालतका प्रधानन्यायाधीश जोन रोबर्ट्सले सपथ खुवाउनेछन्।
कोभिड संक्रमणलाई मध्यनजर गर्दै कम मानिसको उपस्थितिमा सपथ ग्रहण कार्यक्रम सम्पन्न गर्न लागिएको अमेरिकी राष्ट्रपतिको कार्यालय ह्वाइट हाउसले जानकारी दिएको छ।
अमेरिकी राष्ट्रपति र उपराष्ट्रपतिमा निर्वाचितहरूको सपथ ग्रहण कार्यक्रम सुरक्षा सावधानीका साथ कम मानिसको उपस्थितिमा सम्पन्न हुने जनाइएको छ। राष्ट्रपति बाइडेनले आफ्नो ट्विटर अकाउन्टबाट सपथ ग्रहण कार्यक्रमको प्रत्यक्ष प्रसारणको भिडियोलाई पिन्ड ट्वीट गरेका छन्।
अमेरिकी राष्ट्रपति जो बाइडेनको सपथ ग्रहण कार्यक्रमको दिन बिबिसीले कैद गरेका केही महत्वपूर्ण तस्बिरहरू:
दिनको सुरूवातसँगै वासिंटनको क्यापिटल बिल्डिङमा अमेरिकी राष्ट्रपतपी लेखिएको सिल झुण्ड्याउँदै कर्मचारी।
सपथ ग्रहण कार्यक्रममा प्रस्तुती दिनका लागि क्यापिटलमा आइपुगे मिलिटरी ब्यान्ड।
स्टेजको कार्पेट सफा गर्दै कामदार।
कार्यक्रममा भौतिक दूरी कायम हुनेगरी राखिएका कुर्सीमा कोभिडसम्बन्धी सचेतनाका पर्चाहरू राखिएको छ।
कार्यक्रम प्रसारणका लागि विभिन्न सञ्चार माध्यमले प्रविधिको जडान गर्दै।
ह्वाइट हाउसबाट राष्ट्रपति ट्रम्प र प्रथम लेडी मिलेनिया मरिन वनतर्फ प्रस्थान गर्दै।
सपथ ग्रहण कार्यक्रमको एक दिनअघि ह्वाइट हाउसबाट देखिएको अस्ताउँदो सूर्य।
कार्यक्रममा सुरक्षार्थ खटिएका सैनिक। सपथ ग्रहण कार्यक्रमको सुरक्षालाई दृष्टिगत गर्दै २५ हजार सैनिक तैनाथ गरिएको छ।
वासिंटनस्थित नेसनल मलमा कोभिड संक्रमणका कारण उपस्थित हुन नसकेका मानिसहरूको प्रतिनिधित्वस्वरूप सजाइएका झण्डाहरू।
राष्ट्रपति ट्रम्पद्वारा ह्वाइट हाउसमा बिदाइअघिको दिइएको अन्तिम भाषण।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
