कार उत्पादनमा टोयोटाले फक्सवागनलाई पछि पार्‍यो

अटो

नेपाल लाइभ मंगलबार, माघ २०, २०७७ १२:३१

काठमाडौं- विश्व कार बजारमा उत्पादनका आधारमा टोयोटाले फक्सवागनलाई पछि पारेको छ। योसँगै टोयोटा फेरि विश्वको सबैभन्दा ठूलो कार निर्माता बनेको छ। फक्सवागनलाई पछि पार्दै टोयोटाले २०२० मा विश्वभर ९५ लाख भन्दा बढी कार बिक्री गरेको सिएनएनले लेखेको छ।

२०१९ को तुलनामा २०२० मा कम्पनीको कार बिक्री ११.३ प्रतिशतले घटेको हो। कार बिक्रीमा टोयोटाले फक्सवागनलाई ५ वर्षपछि उछिनेको हो। त्यसअघि पनि टोयोटा विश्वकै सर्वाधिक कार बिक्रेता कम्पनी थियो।

फक्सवागनले सन् २०२० मा ९३ लाख भन्दा बढी कार बिक्री गरेको छ। २०१९ को तुलनामा फक्सवागनको बिक्री १५.२ प्रतिशतले घटेको जनाइएको छ। कोरोनाका कारण गत वर्ष प्रायः सबैजसो देशहरूमा लकडाउन भएको थियो। जसले गाडीको बिक्रीमा ठूलो गिरावट आएको हो।

यद्यपि, महामारीकैबीच टोयोटाले भने निक्कै महत्वपूर्ण सफलता हात पारेको छ। २०२० को अन्तसम्ममा सवारीसाधन बिक्रीको सन्दर्भमा धेरैजसो अन्तर्राष्ट्रिय बजारमा ठूलो सुधार आएको थियो। टोयोटाको सव-ब्रान्डको रुपमा लेक्सस, हिनो, रञ्ज र डाइहात्सुको बिक्रीले पनि कम्पनीलाई विश्वव्यापी शीर्ष स्थानमा फर्काउन सहयोग पुर्‍यायो।

२०२० मै टेस्ला विश्वको सबैभन्दा मूल्यवान सवारी उत्पादक बनेको छ। टोयोटाले इलेक्ट्रिक कार उत्पादन गर्ने घोषणा गरेको छ। टोयोटाले टेस्लालाई चुनौती दिन चाँडै इलेक्ट्रिक सवारी साधनहरू सुरु गर्ने योजना बनाएको थियो। टोयोटाले कुल विश्वव्यापी बिक्रीको २३ प्रतिशत हिस्सा विद्युतीय सवारी (हाइब्रिड र प्लग–इन हाइब्रिड कार)ले ओगटेको दाबी गरेको छ।

भविष्यमा यो संख्यामा वृद्धि हुने अनुमान गरिएको छ। विश्वका प्रमुख कार बजारहरूमा प्रदूषण मापदण्डलाई कडाई गरिँदै लगिएको छ। टोयोटाले चीनमा रहेको प्लान्टमा अस्थायी रूपमा उत्पादन रोकेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई विश्वप्रकाशको चुनौती : चुनावबाट मत जितेर चाहेजस्तो व्यवस्था ल्याउनुहोस्

सेतो मछिन्द्रनाथको रथ जात्रा सुरु

आईपीएल : चेन्नईलाई २५ रनले हराउँदै दिल्लीको लगातार तेस्रो जित