मोटरसाइकल वर्कशपलाई म्याक सर्भमा स्तरोन्नती गरिँदै

अटो

नेपाल लाइभ शनिबार, माघ २४, २०७७ १२:००

काठमाडौं- ग्राहकलाई अत्याधुनिक उपकरणहरूबाट उत्कृष्ट र उच्चस्तरीय सर्भिसिङ सेवा दिने प्रतिबद्धताका साथ काठमाडौं र पोखरापछि सिप्रदीद्वारा लहान र चितवनमा पनि मोटरसाइकल वर्कशपलाई म्याक सर्भमा स्तरोन्नती गरिएको छ।

भारत पेट्रोलियम कर्पोरेसन लिमिटेडद्वारा उत्पादित विश्वप्रसिद्घ म्याक ल्युब्रिकेन्टस् र नेपालका लागि म्याक ल्युब्रिकेन्टस्को आधिकारिक वितरक सिप्रदी ट्रेडिङ्ग प्रालिको संयुक्त परियोजनामा सिप्रदीद्वारा देशका विभिन्न स्थानहरूमा मोटरसाइकल वर्कशपलाई म्याक सर्भमा स्तरोन्नती गरिएको छ।

भारत पेट्रोलियम कर्पोरेसन लिमिटेड ल्युब्रिकेन्टस्का कन्ट्री म्यानेजर मुकुन्द धमला र सिप्रदी ट्रेडिङ्ग प्रालिका डेपुटी जनरल म्यानेजर रोशनकुमार श्रेष्ठको उपस्थितिमा प्रदेश २ अन्तर्गत लहानको केन्द्रबिन्दु लहानचोकमा रहेको शंकर एण्ड ब्रदर्स आटो पार्ट्स र बागमती प्रदेश अन्तरगत पर्यटकीय स्थल नारायणगढको केन्द्रबिन्दु लायन्सचोकमा रहेको चितवन बाइक सर्भिस सेन्टरलाई म्याक सर्भमा स्तरोन्नती गरिएको छ।

म्याक सर्भमा ग्राहकहरूले अत्याधुनिक उपकरणहरूबाट उत्कृष्ट र उच्चस्तरीय सर्भिसिङ सेवा प्राप्त गर्न सक्नेछन। जहाँ म्याक ल्युब्रिकेन्टसको प्रयोग गरी मोटरसाइकल तथा स्कुटरहरूको सर्भिसिङ सेवा प्रदान गरिनेछ। उक्त वर्कशपमा ग्राहकले कुनैपनि ब्राण्डको मोटरसाइकल तथा स्कुटरहरूको सर्भिसिङ गरी उत्कृष्ट सेवा प्राप्त गर्न सक्ने कम्पनीको दाबी छ।

यसका साथै म्याक सर्भको स्तरोन्नती गरिएको अवसरमा फेब्रुअरी १५ सम्म यी वर्कशपहरूमा सर्भिसिङ गर्दा म्याक ल्युब्रिकेन्टस्मा १५ प्रतिशत, लेवर चार्जमा २० प्रतिशत र अन्य पार्टस्हरूमा १० प्रतिशत सम्मको छुटको व्यवस्था गरिएको छ।

म्याक सर्भमा स्तरोन्नती भएका वर्कशपहरूले विभिन्न ब्राण्डका जेन्युइन पार्टपुर्जाहरू पनि उपलब्ध गराउँदै आइरहेको छन्। अब कोहलपुर, भक्तपुर र इटहरीमा पनि छिट्टै यो सेवा सुरु गर्ने कम्पनीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई विश्वप्रकाशको चुनौती : चुनावबाट मत जितेर चाहेजस्तो व्यवस्था ल्याउनुहोस्

सेतो मछिन्द्रनाथको रथ जात्रा सुरु

आईपीएल : चेन्नईलाई २५ रनले हराउँदै दिल्लीको लगातार तेस्रो जित