काठमाडौं- विश्वभर विद्युतीय कारको चर्चा तथा प्रयोग बढ्दै गइरहेको छ। २०२० मा विश्वभर बिक्री भएका विद्युतीय कारको सूचीमध्ये धेरै बिक्री हुनेको अग्रस्थानमा टेस्लाको मोडल थ्री रहेको छ। मूल्यका हिसाबमा टेस्ला मोडल थ्री धेरैले खरिद गर्न सकिने कारका रूपमा लिइन्छ।
२०२० मा टेस्लाको मोडल थ्री कार ३ लाख ६५ हजार २ सय ४० वटा बिक्री भएको थियो। विश्वको विद्युतीय कार बजारमा मोडल थ्रीले १२ प्रतिशत हिस्सा ओगटेको हिन्दुस्तान टाइम्सले लेखेको छ। योसँगै मोडल थ्री सर्वाधिक बिक्री हुने विद्युतीय कार बनेको हो।
धेरै बिक्री हुने विद्युतीय कारको सूचीमा दोस्रो स्थानमा युलिङ होङगुङ मिनी रहेको यो जुन २०२० मा १ लाख १९ हजार २ सय ५५ वटा बिक्री भएको थियो। चिनियाँ विद्युतीय सवारी खरिदकर्ताको मुख्य रोजाइमा यही कार रहेको छ।
त्यस्तै, तेस्रो स्थानमा रेनो जोइ रहेको छ जुन २०२० मा १ लाख ४ सय ३१ वटा बिक्री भएको थियो। यो कार मुख्यगरि युरोपेली बजारमा लोकप्रिय रहेको छ। चौंथो स्थानमा टेस्लाको मोडल वाई छ, जुन २०२० मा ७९ हजार ७ सय ३४ वटा बिक्री भएको थियो।
पाँचौं धेरै बिक्री हुने विद्युतीय कारमा हुन्डाईको कोना रहेको छ। यो कार २०२० मा ६५ हजार ७५ वटा बिक्री हुँदा छैटौं स्थानमा फक्सवागन आइडी थ्री छ। यो कार २०२० मा ५६ हजार ९ सय ३७ वटा बिक्री भएको थियो।
यी विद्युतीय कारमध्ये टेस्लाको मोडल थ्री कार नेपाली बजारमा समेत भित्रिएको छ। गत महिना टेस्लाका ३ वटा मोडल थ्री नेपाल भित्रिएको थियो। ती कार बिक्री भइसकेका छन्। हिन्दुस्तान टाइम्सले भारतमा भन्दा पहिले हिमालयन (नेपाल) मुलुकमा टेस्लाका कार गुडे भनेर समाचार नै लेखेको थियो।
टेस्लाको मोडल थ्रीका साथै मोडल एक्स समेत नेपाली सडकमा कुदिरहेका छन्। विश्व बजारमा धेरै बिक्री भएका विद्युतीय कार मोडल थ्रीसँगै हुन्डाई कोना समेत नेपाली बजारमा बिक्री हुँदै आएको छ। हुन्डाई कोना करिब ३ सयवटा नेपाली सडकमा कुदिरहेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1710220882.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
-1742289396-1743592964.jpg)
