लाइसेन्सको ‘रि–ट्रायल’ दिने समय ३ महिनाबाट १८ महिना कायम

अटो

नेपाल लाइभ आइतबार, माघ २५, २०७७ १७:४१

काठमाडौं- यातायात व्यवस्था विभागले सवारी चालक अनुमति पत्र (लाइसेन्स) को ट्रायल दिन पाउने समयावधी ३ महिनाबाट १८ महिना बनाएको छ। लिखित परीक्षा पास गरेपछि ३ महिनाभित्र ३ पटकसम्म रि–ट्रायल दिन पाइने व्यवस्थालाई संशोधन गरी १८ महिना पुर्‍याइएको विभागले जनाएको छ।

कोरोना भाइरसको महामारीका कारण गत वर्षको चैतदेखि भएको लकडाउनका कारण लिखित परीक्षा पास भई ट्रायल दिनबाट वञ्चित भएका सेवाग्राहीलाई लक्षित गरी विभागले यस्तो व्यवस्था गरेको हो। विभागले यसका लागि यातायात व्यवस्थापन कार्यविधी निर्देशिका, २०६० लाई संशोधन गरी ३ महिनाको साटो १८ महिना बनाएको हो।

विभागले उक्त व्यवस्था इलेक्ट्रोनिक ड्राइभिङ लाइसेन्स एन्ड भेइकल रजिस्ट्रेसन सिस्टममा समेत नयाँ व्यवस्थालाई अद्यावधिक गरिएको जनाएको छ। सिस्टममा समावेश गरिएकाले सोहीअनुसार रि–ट्रायल सञ्चालन गर्न विभागले सबै कार्यालयलाई आग्रह गरेको छ।

No description available.

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई विश्वप्रकाशको चुनौती : चुनावबाट मत जितेर चाहेजस्तो व्यवस्था ल्याउनुहोस्

सेतो मछिन्द्रनाथको रथ जात्रा सुरु

आईपीएल : चेन्नईलाई २५ रनले हराउँदै दिल्लीको लगातार तेस्रो जित