काठमाडौं– दोस्रो लहरको कोरोना संक्रमण बढ्दै गएपछि सरकारले ‘चेक ब्रेक’ गर्ने भन्दै विभिन्न निषेधका आदेशहरु जारी गरेको छ।
निषेधका आदेश जारी गरिएका ठाउँमा अत्यावश्यक बाहेकका कामका लागि सर्वसाधारणलाई हिँडडुल गर्न रोक लगाइएको छ। यस्तै, अत्यावश्यक बाहेकका सवारीका साधनहरु समेत सञ्चालन गर्न पाइने छैन।
तराईं–मधेस तथा उपत्यकाका जिल्लाहरुमा ५०० र पहाडी जिल्लामा २०० सक्रिय संक्रमित पुगे प्रमुख जिल्ला अधिकारीले निषेधाज्ञा जारी गर्न सक्ने गरी मन्त्रिपरिषद्ले नै निर्णय गरिसकेको छ।
मन्त्रिपरिषदको उक्त निर्णयपछि काठमाडौं उपत्यकाका ३ जिल्लासहित उपत्यका बाहिरका केही जिल्लामा वैशाख १६ गते (बिहीबार)देखि नै निषेधाज्ञा लागू भइसकेको छ।
केही जिल्लामा भने शुक्रबार, शनिबार र आइतबार तथा केही जिल्लामा सोमबार एवम् मंगलबारदेखि लागू हुने गरी निषेधाज्ञा जारी गरिएको छ।
गृह मन्त्रालयका अनुसार आइतबार साँझसम्म ४१ जिल्लामा निषेधाज्ञा जारी गरिएको छ। १२ वटाबाहेक अन्य २९ जिल्लामा जिल्लाभर नै निषेधाज्ञा लागू हुने छ।
निषेधाज्ञा घोषणा गरिएकामध्ये ३२ जिल्लामा आइतबारसम्म निषेधाज्ञा लागू भइसकेको छ भने ५ जिल्लामा सोमबारदेखि र ४ जिल्लामा भने मंगलबारदेखि लागू हुनेछ।
हेर्नुहोस्, कुन जिल्लामा कहिलेदेखि कहिलेसम्मका लागि जारी गरिएको छ निषेधाज्ञा–





नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।