नाटक पनि भर्चुअल, दयाहाङको निर्देशनमा बनेको 'मितज्यू' युट्युबबाट

रंगमञ्च

नेपाल लाइभ बिहीबार, वैशाख ३०, २०७८ १६:४७

काठमाडाैं- कोरोना महामारीले नाटकघर बन्द भएदेखि कै प्रश्न हाे- खिचेर देखाइने भए फिल्म र नाटकमा फरक के छ?

कतिले खिचेर देखाइने नाटक नाटक नै नहुने तर्क गर्छन् भने कतिले बिकल्प र अर्काइभका लागि भएपनि नाटक खिच्नैपर्ने दाबी गर्छन्।

कलाकार दयाहाङ राइले निर्देशन गरेको मितज्यू यसको उदाहरण हो। मितेरी साइनोको कथामा बनेको नाटक मितज्यू भर्चुअल प्रर्दशन हुने भएको छ।

नाटक वैशाख ३१ गते शुक्रवार साँझ पाँच बजे प्रर्दशन हुनेछ। मण्डला थियटरको अफिसियल युट्युबमार्फत् नाटक प्रर्दशन हुने निर्माण टोलीले जनाएको छ।

सोमनाथ खनालले लेखेको नाटक आजभन्दा ८ वर्षअघि मण्डला नाटकघरमा मञ्चन गरिएको थियो। तर, अहिले भने भर्चुअल प्रर्दशनकै लागि यसको प्राविधिक पाटो सच्याएर देखाउन लागिएको बताइएको छ।

नाटकमा सिर्जना सुब्बा, बुद्दि तामाङ, बिजय बराल लगायत केहि कलाकार पुरानै छन् भने केही नयाँ थपिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

जनताको आधारभूत आवश्यकता पूरा गर्न सरकार प्रतिबद्ध : खानेपानीमन्त्री

मध्य मेक्सिकोमा बन्दुकधारीद्वारा ७ जनाको हत्या

सेयर बजारमा हरियाली