सशस्त्रका डिआईजीको म्याद थप्ने कसरत: मुख्यसचिवले हस्ताक्षर गर्न नमानेपछि अवकाश

समाचार

नेपाल लाइभ बुधबार, असार ९, २०७८ ०९:५१

काठमाडौं- सशस्त्र प्रहरी नायव महानिरीक्षक (डिआईजी) प्रविणकुमार श्रेष्ठको अनिवार्य अवकाश भएको छ। मंगलबार रातिबाट उनी अनिवार्य अवकाशमा गएका हुन्।

सशस्त्र प्रहरी नियमावली, २०७२ अनुसार चार वर्षे डिआईजीको कार्याकाल पूरा गरेर उनी अनिवार्य अवकाशमा गएका हुन्।

चार वर्षे कार्यकाल भए पनि सशस्त्र हेडक्वाटरको सिफारिसमा १ वर्षे कार्यकाल थप गर्न सकिने प्रावधान छ। सोही अनुसार १ वर्ष थप गर्न भन्दै मंगलबार दिनभर प्रयास भए पनि म्याद थप नभएको गृह स्रोतले नेपाल लाइभलाई जानकारी दियो।

विभागीय मन्त्री नै नभएकोले म्याद थपका लागि आफूले हस्ताक्षर नगर्ने भन्दै मुख्य सचिव शंकरदास बैरागीले हस्ताक्षर नगरेपछि डिआईजी श्रेष्ठको म्याद थप नभएको गृह स्रोतले नेपाल लाइभलाई जानकारी दियो।

सोमबार बसेको मन्त्रिपरिषद बैठकले पनि डिआईजी श्रेष्ठको म्याद थप गरेको थिएन। त्यसपछि मंगलबार म्याद थपका लागि विभिन्न प्रयास गरिएको भएपनि हुन नसकेको स्रोतको भनाइ छ। योसँगै श्रेष्ठ मंगलबार राति १२ बजेबाट अनिवार्य अवकाशमा गएका छन्।

उनी नम्बर ७ बाहिनीका बाहिनीपति थिए। म्याद थप भएको अवस्थामा श्रेष्ठ सशस्त्रको नेतृत्वमासमेत पुग्थे। हालका आइजी शैलेन्द्र खनाल आगामी चैतको अन्तिम साता अवकाशमा गएपछि एक महिना पुष्पराम केसी आइजी बन्ने बाटो खुल्छ। म्याद थप भएको भए केसीपछिको सशस्त्र नेतृत्वमा श्रेष्ठ पुग्थे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कालीकोटमा ट्याक्टर दुर्घटनाः चालकसहित चार जनाको मृत्यु

धवलशमशेर राणा हाजिर जमानीमा रिहा, उपचारकाे लागि भारत जाँदै

पाथीभरा जाँदै गरेको गाडीमा करेन्ट लाग्यो, चारजनाको मृत्यु, दुई गम्भीर