रामचन्द्र पौडेलले भने- तपाईंहरु गर्नुस् राजनीति, म दलदलमा फस्न चाहन्नँ

महाधिवेशन विशेष

नेपाल लाइभ शनिबार, मंसिर २५, २०७८ १२:५६

फाइल तस्बिर

काठमाडौं- नेपाली कांग्रेसका वरिष्ठ नेता रामचन्द्र पौडेलले आफ्नो समूहबाट सभापतिमा एकमात्र उम्मेदवार चयन गर्न नसकेपछि आफू राजनीतिको दलदलबाट बाहिर बस्ने बताएका छन्।

आफ्नो समूहका नेताहरुले 'म पनि लड्छु, म पनि लड्छु’ भनेकोप्रति दिक्क सुनिएका उनले आफ्नो निवासमा भने, 'मैले साथीहरुलाई धेरै कोसिस गरेँ। तपाईंहरु एक जना भइदिनुस्। म सहयोग गर्छु। खुलेर सहयोग गर्छु। तर अन्तिममा दुई जना साथीहरुको बीचमा सहमति भएन।'

पौडेलले शशांक कोइरालाले आफूलाई समर्थन गर्ने र आफूलाई नै लिएर जानुपर्छ भनेको भए पनि शेखर कोइराला र प्रकाशमानले सभापतिमा लड्ने भनेर अड्डी लिएको बताए।

'उहाँहरुसँग धेरै चरणमा मैले कुरा गरेँ। या त तपाईंहरु दुई जना मिलेर मलाई सहयोग गर्नुस्। या त तपाईंहरु दुई जनामध्ये को हुने हो हुनुस्। म तपाईंहरुलाई सहयोग गर्छु। एक जना हुनुभयो भने सहयोग गर्छु भनेँ। तर उहाँहरु त्यसको लागि पनि तयार हुनुभएन,’ पौडेलले भने।

सबै सन्दर्भ सुनाएपछि उनी भावुक भए र भने, 'भइगयो त तपाईंहरु लड्नुस्। मचाहिँ यस्तो अवस्थामा म यो दलदलभन्दा बाहिर रहन चाहन्छु। दलदलमा फस्न चाहन्नँ भन्ने कुरा मैले भनेकै हो।'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कक्षा १२ का विद्यार्थीलाई प्रवेश पत्र लिन बोलाउन थालियो

काठमाडौं प्रशासन अगाडि राप्रपाको धर्ना

पचरौताका तत्कालीन निमित्त प्रमुख प्रशासकीय अधिकृत र लेखापालविरुद्ध भ्रष्टाचार मुद्दा