कांग्रेस महाधिवेशन : निर्वाचित केन्द्रीय सदस्यमध्ये ८२ प्रतिशत देउवा पक्षका [विजयीले प्राप्त मतसहितको पूर्णसूची]

महाधिवेशन विशेष

नेपाल लाइभ शुक्रबार, पुस ९, २०७८ १०:१०

काठमाडौं- नेपाली कांग्रेसको १४औं महाधिवेशनले सभापति शेरबहादुर देउवालाई झनै बलियो बनाएको छ। उनी दोस्रोपटक कांग्रेस सभापतिमा निर्वाचित भएका हुन्। साथै, उनकै पक्षबाट केन्द्रीय सदस्यका लागि उम्मेदवार भएका अधिकांश विजयी भएका छन्।

महाधिवेशनमा पदाधिकारीसहित १३४ जना केन्द्रीय सदस्यको लागि निर्वाचन भएको थियो। जसमा उनी पक्षको प्यानलमा रहेका उनी र शशांक कोइरालासहित १११ सदस्य निर्वाचित भएका छन्। यो भनेको ८२ प्रतिशतभन्दा बढी हो। कतिपय उनले गठबन्धन गरेका कृष्णप्रसाद सिटौला पक्षका पनि छन्। अब उनले ३३ जना सदस्य मनोनीत गर्न सक्ने छन्। ती अधिकांश उनी पक्षकै हुने छन्। त्यसैले अब कांग्रेस केन्द्रीय कार्यसमितिमा उनले कुनै पनि प्रस्ताव सहजै पास गर्न सक्ने छन्।

पदाधिकारीका १३ पदका लागि भएको निर्वाचनमा अधिकांश उनी पक्षकै निर्वाचित भएका छन्। मनोनीत हुने एक जना कोषाध्यक्ष उनी पक्षकै हुने छन्।

केन्द्रीय सदस्यको लागि विभिन्न क्लस्टरमा भएको निर्वाचनमा अधिकांश निर्वाचितहरु देउवाका उम्मेदवार हुन्। कतिपय क्लस्टरमा त देउवा पक्षले एकलौटी जित निकालेको छ। ३५ जना केन्द्रीय सदस्य (खुला) का लागि भएको निर्वाचनमा शेखर पक्षबाट १० जनाले मात्रै जित निकाले। प्रदेश २, बागमती, लुम्बिनी, कर्णाली र सुदूरपश्चिम (खुला-२ र महिला- १) का लागि भएको निर्वाचनमा देउवा पक्षबाट एकलौटी निर्वाचित भए। प्रदेश १ बाट राजीव कोइराला र गण्डकीबाट कृष्णचन्द्र नेपालीबाहेक सबै देउवा पक्षका निर्वाचित भएका हुन्।

महिला (खुला) तर्फ र दलितबाट चयन हुने ९/९ जनामा शेखर पक्षका १/१ जना मात्रै विजयी भएका छन्। दलिततर्फ महिला ४ र पुरुष ५ जना चयन हुने व्यवस्था छ। महिला खुलातर्फ सरिता प्रसाईं र दलिततर्फ प्रकाश रसाइली स्नेही मात्रै शेखर पक्षबाट विजयी भए। मधेसी तर्फको केन्द्रीय सदस्यमा ५ जना मध्ये ४ जना देउवा पक्षबाट विजयी भए।

मुस्लिमतर्फ ३ जना (खुला-२, महिला-१) मा देउवा पक्षकै उम्मेदवार विजयी भए। थारु (खुला-२, महिला-२) तर्फ शेखर पक्षले जित निकाल्न सकेनन्। अपांगता, अल्पसंख्यक र पिछडिएको क्षेत्रबाट चयन हुने १/१ जनामा सबै देउवा पक्षकै उम्मेदवारहरु विजयी भए।

कांग्रेसको १४औं महाधिवेशनबाट विजयी उम्मेदवारहरु:

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आईपीएल : चेन्नईलाई २५ रनले हराउँदै दिल्लीको लगातार तेस्रो जित

एम्बुलेन्सबाट लागुऔषध तस्करी

पञ्चायतसँग गणतन्त्रलाई तुलना गरेर अस्थिरता मच्चाउने अपराधी हुन् : शंकर पोखरेल