प्रचण्डको प्रतिवेदन : प्रचण्डपथको समीक्षा, समाजवादको बाटो निर्वाचनबाटै तय गर्ने

महाधिवेशन विशेष

नेपाल लाइभ शुक्रबार, पुस ९, २०७८ १२:४५

काठमाडौं- नेकपा माओवादी केन्द्रको स्थायी समिति वैठकमा अध्यक्ष पुष्पकमल दाहाल 'प्रचण्ड' ले आफ्नो प्रतिवेदनको 'हाइलाइट' पेस गरेका छन्।

शुक्रबार पार्टी कार्यालय पेरिसडाँडामा बसेको स्थायी समितिमा पेस भएको प्रतिवेदन बारे आजै ३ बजे बस्ने स्थायी समितिको अर्को बैठकमा विस्तृत छलफल हुने पार्टी प्रवक्ता कृष्णबहादुर महराले बताए।

माओवादी नेता देवेन्द्र पौडेलका अनुसार अध्यक्ष दाहालको प्रतिवेदनमा सशस्त्र युद्धकालदेखि लिएको प्रचण्डपथको समीक्षा गर्ने उल्लेख गरिएको छ। त्यस्तै निर्वाचन र शान्तिपूर्ण रुपमा समाजवादमा पुग्ने बाटो तय गर्ने, त्यसको माध्यम भनेको कम्युनिष्ट पार्टी नै भएको र त्यसको नेतृत्व माओवादीले लिनुपर्ने प्रतिवेदनमा उल्लेख गरिएको छ।

‘अबको बाटो चुनावी प्रतिस्पर्धा र शान्तिपूर्णबाटो बाट जाने हो। समाजवादको लागि बाटो बनाउने र विचार मिल्नेहरुसँग एकताका लागि आब्हान गर्दै अघि वढ्ने हो ’ प्रतिवेदनमा रहेको कुरा उल्लेख गर्दै पौडेलले भने ‘प्रचण्डपथको समीक्षा र समाजवादमा पुग्नेगरि कार्ययोजना बनाउने गरि अघि बढिने छ।’ स्थायी समिति बैठकमा २ वटा अजेण्डमा छलफल गरेको महराले जानकारी दिए। नेकपा मसालबाट विद्रोह गरेको समूह र नेकपाको प्रभात चलाउनेसहितको टोली प्रवेश गराउने र दोस्रो अध्यक्षले प्रतिवेदन पेस गरेकाले त्यसमा छलफल हुने उनले बताए।

३ बजेपछि पुन: बस्ने स्थायी समिति बैठकले यसमा विस्तृत छलफल गरेर सार्वजनिक गरिने महराले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एम्बुलेन्सबाट लागुऔषध तस्करी

पञ्चायतसँग गणतन्त्रलाई तुलना गरेर अस्थिरता मच्चाउने अपराधी हुन् : शंकर पोखरेल

पूर्व राजालक्षित गगनको टिप्पणी– अबको दशक मिल्काइसकेको पात्रको बारेमा छलफल गर्ने समय होइन