माओवादी महाधिवेशनले केन्द्रीय कमिटी र केन्द्रीय कमिटीले अध्यक्ष चुन्ने

महाधिवेशन विशेष

नेपाल लाइभ आइतबार, पुस ११, २०७८ ११:४५

काठमाडौं- नेकपा माओवादी केन्द्रको आठौं महाधिवेशन आइतबारदेखि सुरु हुँदैछ। महाधिवेशनबाट केन्द्रीय कमिटी र केन्द्रीय कमिटीले अध्यक्ष चुन्ने प्रवक्ता कृष्णबहादुर महराले जानकारी दिए।

'हाम्रो पद्धति कस्तो छ भने पहिले केन्द्रीय कमिटी बन्छ। अध्यक्ष पनि केन्द्रीय कमिटीबाट चुनिने हुन्छ। महाधिवेशनबाट चुनिने होइन,' आइतबार बिहान बसेको केन्द्रीय कमिटीको बैठकपछि उनले भने।

माओवादीको केन्द्रीय कमिटीमा रहने सदस्यको संख्या पनि थपिने उनले जानकारी दिए। यसअघि २९९ हुने तय भएको थियो। 'त्यसमा केही थपिन्छ,' उनले भने, 'त्यो प्रस्ताव हो।'

उनले केन्द्रीय कमिटीको तर्फबाट एउटा प्यानल प्रस्तुत हुनसक्ने र त्यसमा असहमत भएकाहरुले आफ्नो कुरा राख्ने महराको भनाइ छ। 'सहमति भयो भने निर्वाचनमा जाँदैन। भएन भने निर्वाचनमा जान्छ,' उनले भने। केन्द्रीय कमिटीमा रहनेहरुको क्लस्टर ढाँचा भने यसअघि नै तोकिएजस्तो हुने उनले बताए।

माओवादीको १५ जना पदाधिकारी बनाउने प्रस्ताव पनि गरेको छ। '१ अध्यक्ष, १ वरिष्ठ उपाध्यक्ष, ६ उपाध्यक्ष, १ महासचिव, २ उपमहासचिव, ३ जना सचिव र १ जना कोषाध्यक्ष भन्ने प्रस्ताव गरिएको छ। यो नै अन्तिम होइन। महाधिवेशनमा छलफल गरेर अर्को पनि हुनसक्छ,' महराले भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एम्बुलेन्सबाट लागुऔषध तस्करी

पञ्चायतसँग गणतन्त्रलाई तुलना गरेर अस्थिरता मच्चाउने अपराधी हुन् : शंकर पोखरेल

पूर्व राजालक्षित गगनको टिप्पणी– अबको दशक मिल्काइसकेको पात्रको बारेमा छलफल गर्ने समय होइन