माओवादी केन्द्रको आठौं महाधिवेशन सुरु

महाधिवेशन विशेष

नेपाल लाइभ आइतबार, पुस ११, २०७८ १५:३७

काठमाडौं- नेकपा (माओवादी केन्द्र)को आठौं राष्ट्रिय महाधिवेशन सुरु भएको छ। आइतबार काठमाडौंस्थित नेपाल प्रज्ञा प्रतिष्ठानमा महाधिवेशन सुरु भएको हो।

कार्यक्रमको सञ्चालन गर्दै स्थायी समिति सदस्य जनार्दन शर्माले नेपाली समाजको निरन्तर रुपान्तरण, क्रान्तिकारी परिवर्तन, राष्ट्रको समृद्धि र विकासको लागि पुष्पकमल दाहाल प्रचण्डले प्रस्तुत गर्ने वैचारिक, राजनीतिक र संगठनात्मक प्रतिवेदनमा व्यापक छलफल, बहसका बीचबाट विचारको विकास र परिमार्जन गर्ने मुख्य कार्यभार महाधिवेशनको रहेको बताएका छन्। 'नेतृत्व निर्माणलाई नयाँ उचाइमा विकसित गर्ने लक्ष्य पनि यो महाधिवेशनले बोकेको छ,' उनले भने।

माओवादीले महाधिवेशनअघि राष्ट्रिय सम्मेलनको तयारीलाई अन्तिम चरणमा पुर्‍याएको थियो। तर, शनिबार बसेको स्थायी समिति बैठकले राष्ट्रिय सम्मेलनलाई महाधिवेशनमा रुपान्तर गर्ने निर्णय गरेको थियो। जसलाई आइतबार बिहान बसेको केन्द्रीय समिति बैठकले पनि अनुमोदन गरिसकेको छ।

महाधिवेशनमा सहभागी हुन प्रमुख राजनीतिक दलका उच्च तहका नेताहरु प्रज्ञा प्रतिष्ठान पुगिसकेका छन्। राष्ट्रिय सम्मेलन १३ गतेसम्म चल्ने भनिएको थियो। महाधिवेशन भने १५ गतेसम्म चल्ने माओवादी केन्द्रका नेताहरुको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जेलेन्स्कीको गृहनगरमै रुसको भीषण आक्रमण, १८ जनाको मृत्यु, सयौँ घाइते

विश्वकै प्रदूषित सहरको सूचीमा शिर्ष स्थानमा काठमाडौँ, उच्च सावधानी अपनाउन आग्रह

बैतडीमा जीप दुर्घटना हुँदा एक जनाको मृत्यु, तीनजना घाइते