सीपी गजुरेलले भने- एमसीसी खारेज गर्ने प्रस्ताव पारित गरे पूर्वमाओवादीहरुबीच एकताको आधार बन्छ

महाधिवेशन विशेष

नेपाल लाइभ आइतबार, पुस ११, २०७८ १६:४३

काठमाडौं- नेकपा (माओवादी क्रान्तिकारी)का नेता सीपी गजुरेलले अहिले पनि पूर्वमाओवादीहरु एक हुनसक्ने आधार रहेको बताएका छन्।

माओवादी केन्द्रको आठौं राष्ट्रिय महाधिवेशनको उद्घाटन सत्रलाई सम्बोधन गर्दै उनले यसका लागि केही आधार यो महाधिवेशनले तयार गर्नुपर्ने उनले बताए। शुभकामना दिन मञ्चमा पुगेका उनले अमेरिकी सहयोगको परियोजना मिलेनियम च्यालेञ्‍ज कर्पोरेसन (एमसीसी) खारेजीको प्रस्ताव महाधिवेशनबाट पारित गर्नुपर्ने बताए।

उनले मञ्‍चमा बस्दा आफूलाई पुराना दिनहरुको सम्झना भएको बताए। पुराना माओवादीहरु एक जुट हुनपर्छ भनी अध्यक्ष पुष्पकलमल दाहालले भनेको आफूले सम्झेको उनले बताए। ‘साँच्चै नै पूर्वमाओवादी एक हुने हो भने केही आधार तयार गरौं,’ गजुरेलले भने, ‘यो ठाउँ होइन तर पनि सुझावका लागि देशभरबाट आएकाले राखेको छु।’

पूर्वमाओवादी एक हुने हो भने 'जनयुद्ध' सुरु गर्नुभन्दा अघिको केन्द्रीय समितिको बैठकको कुरा पुन:स्थापित हुनुपर्ने उनको भनाइ थियो। गजुरेलले नेपाललाई 'जनगणतन्त्र' बनाउन अघि बढ्ने कुरा पारित हुनुपर्ने उनले बताए।

राष्ट्रिय स्वाधीनताका लागि केही गर्नुपर्ने भन्दै उनले राष्ट्रघाती एमसीसी खारेज गर्ने प्रस्ताव पारित गर्न माग गरे। त्यस्तै कालापानी, लिम्पियाधुराको जमिन फिर्ता लिने कुरामा प्रतिबद्धता पारित गर्न उनले आग्रह गरे। यति गरेमा एकताका लागि महाधिवेशनले ढोका खोल्ने नेता गजुरेलको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

करेन्ट लगाएर माछा मार्नेलाई एक लाख जरिवाना

जेलेन्स्कीको गृहनगरमै रुसको भीषण आक्रमण, १८ जनाको मृत्यु, सयौँ घाइते

विश्वकै प्रदूषित सहरको सूचीमा शिर्ष स्थानमा काठमाडौँ, उच्च सावधानी अपनाउन आग्रह