समाजलाई लाभ हुने काम गर्न नसके ५-६ दलीय गठबन्धनको अर्थ छैन : शंकर पोखरेल

महाधिवेशन विशेष

नेपाल लाइभ आइतबार, पुस ११, २०७८ १७:४१

काठमाडौं- नेकपा (एमाले)का महासचिव शंकर पोखरेलले समाजलाई लाभ हुने काम गर्न नसकेको अवस्थामा गठबन्धनको औचित्य नहुने बताएका छन्। गठबन्धनको नेतृत्व गरिरहेका कांग्रेस सभापति तथा प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्डलगायत भएकै कार्यक्रममा उनले यस्तो बोलेका हुन्।

‘समाजलाई लाभ हुने कुरा गर्न सकिएन भने पाँच–छ दलीय गठबन्धनको कुनै अर्थ छैन,’ माओवादी केन्द्रको आठौँ राष्ट्रिय महाधिवेशनको उद्‍घाटनसत्रमा बोल्दै उनले भने।

पोखरेलले समाजलाई बदल्ने हो भने आर्थिक र समाजिक रुपमा सबै दलको सहकार्य जरुरी रहेको बताए। अधिकारका प्रश्नमा एकै ठाउँ आउने दलहरुले समृद्धिका कुरामा पनि सहकार्य गर्न सक्नुपर्नेमा उनको जोड थियो।

उनले प्रश्न गरे, ‘विकास र समृद्धिको प्रश्नमा हामी मिल्न सक्दैनौं? अधिकारका प्रश्नमा मिल्न सक्ने, समृद्धिका प्रश्नमा मिल्न नसक्ने किन? कांग्रेस, माओवादी वा एमालेले चाहेको समाज फरक हो?’

सबै दल पूर्वाधार विकासका प्रश्नमा एक ठाउँमा उभिनसक्ने उनले बताए। कम्युनिस्टहरु त समाजवाद नै लक्ष्य तय गरेर अघि बढिरहेकाले बलियो पूर्वाधार निर्माणमा एक ठाउँ नै हुनुपर्ने उनको भनाइ थियो। कांग्रेसले उदार पुँजीवाद लक्ष्य लिए पनि पूर्वाधार विकासले समाजवाद र पुँजीवाद दुवैका लक्ष्य हासिल हुनसक्ने उनको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जेलेन्स्कीको गृहनगरमै रुसको भीषण आक्रमण, १८ जनाको मृत्यु, सयौँ घाइते

विश्वकै प्रदूषित सहरको सूचीमा शिर्ष स्थानमा काठमाडौँ, उच्च सावधानी अपनाउन आग्रह

बैतडीमा जीप दुर्घटना हुँदा एक जनाको मृत्यु, तीनजना घाइते