माधव नेपालको ओलीलक्षित टिप्पणी– कुनै एक व्यक्तिको तानाशाह स्वीकार हुँदैन

महाधिवेशन विशेष

नेपाल लाइभ आइतबार, पुस ११, २०७८ १८:०६

काठमाडौं– नेकपा एकीकृत समाजवादीका अध्यक्ष माधवकुमार नेपालले एमाले अध्यक्ष केपी शर्मा ओली तानाशाही बन्न खोजेको टिप्पणी गरे।

तानाशाही रुपमा शासन गर्न खोज्ने कार्य स्वीकार हुन नसक्ने उनको भनाइ छ। माओवादीको केन्द्रको आठौं राष्ट्रिय महाधिवेशनको उद्घाटन सत्रमा शुभकामना दिँदै उनले उनले यस्तो टिप्पणी गरेका हुन्।

‘कुनै एक व्यक्तिको तानाशाही स्वीकार हुन सक्दैन। वंशको तानाशाही पनि स्वीकार हुँदैन’, उनले भने ‘लोकतन्त्रमा सबैको सम्मान र मर्यादाको रक्षा गरेर आगाडि बढ्ने सके मात्र देश अघि बढ्छ।’

उनले पूर्वराजाप्रति टिप्पणी गर्दै स्वीकार नभएका कारण नै आन्दोलनबाट गणतन्त्र ल्याएको बताए। नेकपा एमालेभित्र तानाशाह र एक व्यक्तिको शासन सुरु भएकाले आफूले अलग पार्टी निर्माण गरेको नेपालले बताए।

विधि र विधान अनुसार नचल्नेहरुसँग मिल्न र लोकतन्त्रमा रहन नसक्ने नेपालको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

करेन्ट लगाएर माछा मार्नेलाई एक लाख जरिवाना

जेलेन्स्कीको गृहनगरमै रुसको भीषण आक्रमण, १८ जनाको मृत्यु, सयौँ घाइते

विश्वकै प्रदूषित सहरको सूचीमा शिर्ष स्थानमा काठमाडौँ, उच्च सावधानी अपनाउन आग्रह