राजनीतिक पार्टीबीच अहिले एकता आवश्यक छ : माधव नेपाल

महाधिवेशन विशेष

नेपाल लाइभ आइतबार, पुस ११, २०७८ १८:०६

काठमाडौं- नेकपा (एकीकृत समाजवादी) पार्टीका अध्यक्ष माधवकुमार नेपालले अहिले राजनीतिक पार्टीहरुबीच एकता आवश्यक भएको बताएका छन्।

नेकपा (माओवादी केन्द्र)को आठौं राष्ट्रिय महाधिवेशनको उद्घाटन समारोहमा बोल्दै अध्यक्ष नेपालले उक्त कुरा बताएका हुन्।

‘राजनीतिक दल एकताबद्ध भएर जानुपर्ने आवश्यकता छ। एक अर्काका कुरामा सहमति नहुन पनि सक्छ। तर मूल कुरामा सहमति छ भने बाँकी कुरा थाती राख्नुपर्दछ,’ उनले भने, ‘संविधानको पालना गरिएन भने देशमा भद्रगोल हुन्छ। विधि र पद्धतिबाट पार्टी चल्नुपर्छ। विधि विधानको पालना सबैले गर्नुपर्छ। विधिमा बाँधियो भने देश अगाडि बढ्दो रहेछ।’
राष्ट्रियताको सवालमा दलहरुबीच कुनै मतभिन्नता नभएको भन्दै उनले अन्य विषयमा पनि छलफल गरेर अघि बढ्नुपर्ने धारणा राखे।

‘कुनै एउटा व्यक्तिको तानाशाही हामीलाई स्वीकार्य हुन सक्दैन। कहिले वंशको तानाशाही हुन्छ कहिले व्यक्तिको हुन्छ यी सबैसँग जुधेर नै हामी अघि बढ्न सक्दछौं,’ उनले भने, ‘लोकतन्त्रका मूल्य र मान्यतालाई आत्मसाथ गरेर अघि बढ्नुपर्दछ।’

जनताको विश्वास जित्नका लागि काम गर्न सक्नुपर्ने भन्दै उनले कुरा गरेर मात्रै नहुने बताए। ‘काम र व्यवहारमा हामी कहाँ चुकेका छौं त्यो हेर्नु जरुरी छ। समाजबाट गरिबी अन्त्य गर्न सकेका छैनौं। यसको निम्ति पहिलो कुरा के हो भने पार्टीका नेताहरुका बीचमा छलफल हुनुपर्‍यो,’ उनले भने, ‘नयाँ समाज निर्माण गर्ने भनिरहेका छौं। समाजवाद निर्माणको कुरा गरिरहेका छौं यसका लागि दलहरुबीच छलफल र बहस हुनुपर्दछ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जेलेन्स्कीको गृहनगरमै रुसको भीषण आक्रमण, १८ जनाको मृत्यु, सयौँ घाइते

विश्वकै प्रदूषित सहरको सूचीमा शिर्ष स्थानमा काठमाडौँ, उच्च सावधानी अपनाउन आग्रह

बैतडीमा जीप दुर्घटना हुँदा एक जनाको मृत्यु, तीनजना घाइते