माओवादी महाधिवेशन : के–के हुँदै दोस्रो दिन?

महाधिवेशन विशेष

नेपाल लाइभ सोमबार, पुस १२, २०७८ १२:३५

काठमाडौं– नेकपा माओवादी केन्द्रकाे आइतबारदेखि सुरु भएको महाधिवेशनकाे दोस्राे दिन आज बन्दसत्रको कार्यक्रम राखिएको छ। बन्दसत्र हलमा पार्टी अध्यक्ष पुष्पकमल दाहाल ‘प्रचण्ड’को प्रतिवेदन सबै प्रतिनिधिलाई उपलब्ध गराउने कार्यक्रम छ।

अध्यक्ष प्रचण्डको प्रतिवेदन प्रतिनिधिलाई उपलब्ध गराउनुअघि उनले राष्ट्रिय अन्तर्राष्ट्रिय परिस्थितिसहित माओवादीको आगामी यात्राका विषयमा व्याख्या गर्ने भएका छन्। आफ्नो समेत आत्मालोचना गरेर प्रचण्डले सबै प्रतिनिधिलाई क्रान्तिकारी विचार र क्रान्तिकारी विचारमा लाग्न उत्पेरित गर्नेगरी प्रशिक्षात्मक भाषण गर्ने तयारी गरेको एक प्रतिनिधिले बताए।

‘आज अध्यक्षले आफ्नो प्रतिवेदनमा भएका विषयलाई थप व्याख्यासहित राष्ट्रिय/अन्तर्राष्ट्रिय परिस्थितिबारे चर्चा गर्नुहुनेछ। कसरी क्रान्तिकारी विचार र क्रान्तिकारी पार्टी निर्माण गर्न सकिन्छ भनेर सबैलाई प्रतिवेदन वितरण हुनेछ,’ ती सहभागीले भने, ‘त्यसपछि १६ सय जनालाई समूह बनाएर प्रतिवेदनमाथि छलफल हुनेछ।’ समूहगत छलफलपछि एकीकृत सुझाव पेस गर्ने कार्यक्रम रहेको छ।

यस्तै अध्यक्ष प्रचण्डको प्रतिवेदनले क्रान्तिकारी विचार र पार्टी निर्माण गर्न नसक्ने भन्दै अर्का केन्द्रीय सदस्य राम कार्कीले समेत प्रतिवेदन पेश गर्ने तयारी गरेका छन्। अध्यक्ष प्रचण्डले कार्कीलाई तत्काल प्रतिनिधि समक्ष प्रतिवेदन पेश गर्न निर्देशन दिएका छन्। कार्की भने प्रचण्डको प्रतिवेदन अध्ययन गरेर मात्रै अघि बढ्ने योजनामा छन्।

त्यसैगरी आज स्थायी समिति सदस्य देव गुरुङले पार्टीको विधान संशोधनसम्बन्धी प्रस्तावसमेत पेश गर्ने कार्यसूची रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अदालतको आदेशको सम्मान गर्दै अहिले नै गिरफ्तारी दिँदैछु, ममाथि ठूलो अन्याय भएको छ : रवि लामिछाने

५ रेक्टरमाथिका २ भूकम्प, केन्द्रविन्दु जाजरकाेट

सुप्रिम सहकारी प्रकरण : रविलाई थुनामा पठाउने उच्च अदालतको आदेश