माओवादी महाधिवेशन : बन्दसत्रमा प्रचण्डले पेस गरे राजनीतिक प्रतिवेदन

राजनीति

नेपाल लाइभ सोमबार, पुस १२, २०७८ १३:३५

काठमाडौं- नेकपा माओवादी केन्द्रको आठौं राष्ट्रिय महाधिवेशन अन्तर्गत सोमबार सुरु बन्दसत्रमा अध्यक्ष पुष्पकमल दाहाल प्रचण्डले राजनीतिक प्रतिवेदन पेस गरेका छन्।

राजधानीको प्रज्ञा भवनमा जारी महाधिवेशनमा अध्यक्ष प्रचण्डले प्रतिवेदन पेस गरेका हुन्। नेकपा एकीकरणदेखि विभाजन हुँदै अबको माओवादीको बाटो र भावी रणनीतिका बारेमा प्रचण्डको प्रतिवेदनमा उल्लेख गरिएको छ।

एमालेसँगको एकीकरणपछि बनेको पार्टी पाँच वर्षसम्म चल्न नसकेको र आगामी निर्वाचन नजिकै आएको अवस्थाबारे प्रतिवेदनमा उल्लेख गरिएको छ। प्रतिवेदनमा प्रचण्डपथ र समाजवादको आगामी यात्राका विषयमा उल्लेख गरिएको छ।

प्रचण्डले प्रतिवेदनमा सबैभन्दा बढी आत्मसमीक्षा गरिएको आइतबार उद्घाटनका क्रममा पनि बताएका थिए।

बन्दसत्रमा पेस भएको राजनीतिक प्रतिवेदन माथि समूहगत छलफल हुने छ। समूहगत छलफलका क्रममा प्राप्त भएका सुझावका आधारमा प्रतिवेदन परिमार्जन हुनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अदालतको आदेशको सम्मान गर्दै अहिले नै गिरफ्तारी दिँदैछु, ममाथि ठूलो अन्याय भएको छ : रवि लामिछाने

५ रेक्टरमाथिका २ भूकम्प, केन्द्रविन्दु जाजरकाेट

सुप्रिम सहकारी प्रकरण : रविलाई थुनामा पठाउने उच्च अदालतको आदेश