महाधिवेशन विशेष

प्रचण्डको प्रतिवेदन- नेकपा विवादमा अदालतको फैसला अस्वाभाविक र राजनीतिक

नेपाल लाइभ सोमबार, पुस १२, २०७८ १५:०६

काठमाडौं- नेकपा (माओवादी केन्द्र)का अध्यक्ष पुष्पकलम दाहाल 'प्रचण्ड'ले आफ्नो राजनीतिक प्रतिवेदनमा २०७७ फागुन २३ गते नेकपा विवादमा सर्वोच्च अदालतले गरेको फैसला अस्वाभाविक र राजनीतिक भएको टिप्पणी गरेका छन्।

आठौँ राष्ट्रिय महाधिवेशनको बन्दसत्रमा प्रतिवेदन पेस गर्दै उनले तत्कालीन नेकपाका अध्यक्ष रहेका केपी शर्मा ओलीलाई सहज हुने गरी फैसला गरेको आरोप लगाएका छन्।

‘संसदीय दलको बहुमतले उनलाई दलको नेताबाट पनि निष्कासित गर्‍यो। आधिकारीक र वैधानिक रुपले गरिएको उपरोक्त निर्णयलाई तत्कालीन निर्वाचन आयोग र संसद् सचिवालयले जानीबुझी गरेको ऐन, नजिरविपरीत र अन्त्यमा सर्वोच्च अदालतको अस्वाभाविक राजनीतिक फैसलाका कारण पार्टी एकता असफल बनाइयो,’ प्रतिवेदनमा भनिएको छ, ‘यही फैसलाले पार्टी एकतालाई असफल तुल्याइयो।’

उनले आज पनि ओली प्रवृत्तिका विरुद्ध संघर्ष गर्दै बृहत् कम्युनिस्ट एकता कायम नै रहेको दाबी गरेका छन्। ‘हाम्रो पार्टी अहिले पनि एकताको पक्षमा छ र रहिरहनेछ, ’ प्रतिवेदनमा भनिएको छ, ‘विभिन्न माओवादी समूह, माधवकुमार नेपालले नेतृत्व गरेको नेकपा एकीकृत समाजवादीसँग सहकार्य बढाउँदै जाने हाम्रो नीति स्पष्ट नै छ।’

यो पनि पढ्नुहोस्

प्रचण्डको प्रतिवेदन : संविधान नै खारेज गर्ने नियतले संसद् विघटनसोमबार, पुस १२, २०७८

नेकपा विवादमा ऋषिराम कट्टेलको नेकपा नाम आफ्नो भएको दाबी गरिएको मुद्दामा सर्वोच्चका न्यायाधीश कुमार रेग्मी र बमकुमार श्रेष्ठको इजलासले फैसला सुनाएको थियो। कट्टेलले नामको दाबी गरेपछि सर्वोच्चले एमाले र माओवादी केन्द्रलाई एकता अघि नै पुर्‍याएको थियो। त्यसविरुद्ध अध्यक्षको रुपमा दाहालले पुनरावेदन गरेका थिए। तर, सर्वोच्चले उक्त पुनरावेदनमा निस्सा नदिने फैसला सुनाउँदै यो विवाद टुंग्याएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अदालतको आदेशको सम्मान गर्दै अहिले नै गिरफ्तारी दिँदैछु, ममाथि ठूलो अन्याय भएको छ : रवि लामिछाने

५ रेक्टरमाथिका २ भूकम्प, केन्द्रविन्दु जाजरकाेट

सुप्रिम सहकारी प्रकरण : रविलाई थुनामा पठाउने उच्च अदालतको आदेश