विद्रोह कि संविधान निर्माण भन्ने अन्योलले पार्टीलाई क्षति : प्रचण्ड

महाधिवेशन विशेष

नेपाल लाइभ सोमबार, पुस १२, २०७८ १५:४५

काठमाडौं- नेकपा माओवादी केन्द्रका अध्यक्ष पुष्पकमल दाहाल प्रचण्डले शान्ति प्रक्रियामा आएपछि पार्टीमा देखिएको 'विद्रोह कि संविधान निर्णाण' भन्ने अन्योलले क्षति पुगेको बताएका छन्। सोमबार महाधिवेशनको बन्दसत्रमा प्रतिवेदन पेस गर्दै उनले विद्रोह सम्भव थिएन भनेका छन्।

पहिलो संविधानसभाको अवधिमा माओवादीमा दुई धार थियो। डा बाबुराम भट्टराईले संविधान निर्माण र मोहन वैद्यले जनविद्रोहको लाइनलाई पार्टीको लाइन बनाउन प्रयत्न गरेका थिए। प्रचण्डले भने आफूलाई नेतृत्वमा राखिराख्न जुन लाइन पारित हुने स्थिति बन्थ्यो, त्यसैको पक्षमा आफूलाई उभ्याउँथे। त्यसैले फरकफरक समयमा माओवादीले फरकफरक लाइन लिने गरेको थियो।

बन्दसत्रमा रहेका एक नेताले दिएको जानकारी अनुसार प्रतिवेदनमा विद्रोह सम्भव नहुँदानहुँदै आफूहरुले त्यो भन्न नहुने बताइएको छ। प्रचण्डले विद्रोह नभनेको भए कार्यकर्ता भड्केलान् भन्ने मनोगत भयमा नेतृत्व फसेको उल्लेख गरेका छन्।

प्रचण्डको प्रतिवेदनमाथि बन्दसत्रमा छलफल हुनेछ। सुझावको आधारमा प्रतिवेदनमाथि परिमार्जन गरिनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अदालतको आदेशको सम्मान गर्दै अहिले नै गिरफ्तारी दिँदैछु, ममाथि ठूलो अन्याय भएको छ : रवि लामिछाने

५ रेक्टरमाथिका २ भूकम्प, केन्द्रविन्दु जाजरकाेट

सुप्रिम सहकारी प्रकरण : रविलाई थुनामा पठाउने उच्च अदालतको आदेश