स्वास्थ्य समस्याले वर्षमानलाई राजनीतिमा पनि समस्या

महाधिवेशन विशेष

नेपाल लाइभ सोमबार, पुस १२, २०७८ १६:१८

फाइल तस्बिर।

काठमाडौं– नेकपा माओवादी केन्द्रका स्थायी समिति सदस्य वर्षमान पुन उपचारका लागि तीन महिनादेखि देश बाहिर छन्। उनको अहिले चीनको सेन्जेनमा उपचार भइरहेको छ।

शरीरमा जण्डिसको मात्रा अत्यधिक बढेपछि उनी सुरु उपचारका लागि थाइल्याण्ड पुगेका थिए। त्यसपछि उनलाई चीनको सेन्जेन लगिएको हो।

उपचारका लागि लागि देशबाहिर भएकाले पुन तीन महिनादेखि पूर्ण रुपमा राजनीतिक गतिविधिमा सहभागी छैनन्। यता, आइतबारदेखि काठमाडौंमा माओवादीको महाधिवेशन चलिरहेको छ।

स्वास्थ्यमा समस्या झेलिरहेका पुनलाई राजनीतिक रुपमा पनि समस्या भएको छ। महासचिवको दाबी गरेका उनी महाधिवेशनमै सहभागी हुन पाएनन्।

पुन महाधिवेशन अघि नै नेपाल फर्किने योजनामा भएपनि पूर्ण रुपमा निको भइनसकेकाले उपस्थित हुन नसकेको उनका स्वकीय सचिव सन्तोष पुनले बताए। स्वास्थ्यमा उल्लेख्य सुधार भएपनि उनी पूर्ण रुपमा निको भएपछि मात्रै फर्किने योजनामा छन्।

कतिपयले पुन अब राजनीतिक रुपमा पहिलेकै अवस्थामा सक्रिय हुन नसक्ने विश्लेषण गर्न थालेका छन्। तर, उनीनिकट एक नेताले पुन पहिलेकै अवस्थामा सक्रिय हुन सक्ने दाबी गरे।

‘अहिले पूर्ण रुपमा निको भइनकसेपनि अध्यक्षसँग नियमित सम्पर्कमा हुनुहुन्छ। आफूनिकट नेताहरुसँग फोन, भाइबरबाट सम्पर्कमा हुनुहुन्छ’, ती नेताले भने, ‘उहाँले आफ्नो दाबी महासचिवमा छोड्नु भएको छैन। पहिलेकै अवस्थामा सक्रिय हुन सक्छु, जिम्मेवारी दिनुपर्छ भनिरहनु भएको छ।’

यसअघि सचिव भइसकेका पुन महासचिवका दाबेदार थिए। स्थायी समिति सदस्य जनार्दन शर्मा र पम्फा भुसालले पनि महासचिवमा दाबी गरिरहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अदालतको आदेशको सम्मान गर्दै अहिले नै गिरफ्तारी दिँदैछु, ममाथि ठूलो अन्याय भएको छ : रवि लामिछाने

५ रेक्टरमाथिका २ भूकम्प, केन्द्रविन्दु जाजरकाेट

सुप्रिम सहकारी प्रकरण : रविलाई थुनामा पठाउने उच्च अदालतको आदेश