पुनः संशोधन भयो माओवादीको निर्वाचन कार्यतालिका

महाधिवेशन विशेष

नेपाल लाइभ आइतबार, पुस १८, २०७८ १४:३५

काठमाडौं- नेकपा (माओवादी केन्द्र)को जारी महाधिवेशनमा केन्द्रीय समिति सदस्यका लागि हुने भनिएको निर्वाचनको कार्यतालिका पुनः संशोधन भएको छ। पछिल्लो तालिका अनुसार सोमबार बिहान ८ बजेदेखि निर्वाचन हुने भनिएको छ।

पछिल्लोपटक संशोधित कार्यतालिका अनुसार उम्मेदवारको मनोनयन आजै बेलुका ४ बजेदेखि ६ बजेसम्म हुनेछ। बेलुका ८:४५ बजे उम्मेदवारको अन्तिम नामावली प्रकाशन हुनेछ।

यसअघिको निर्वाचन कार्यतालिका अनुसार आइतबार बेलुका ६:२५ देखि १०:२५ सम्म निर्वाचन हुने भनिएको थियो। सुरुआतको कार्यतालिका अनुसार भने शनिबार राति ११:३० देखि आइतबार बिहान ४ बजेसम्म मतदान हुने भनिएको थियो।

यद्यपि, माओवादी केन्द्रको स्थायी समिति बैठकले केन्द्रीय समितिमा प्रस्तावित गर्ने नामहरुमा सहमति जुटाएको छ। प्रदेशअनुसार कोटा तोकेर २५६ जनाको नाम तय गरिएको र थप ४३ जनाको नाम थपेर बन्दसत्रमा प्रस्तावित गरिने तयारी छ। बन्दसत्रले प्रस्तावित नाम अनुमोदन गरेमा निर्वाचन हुने छैन।

No description available.

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुनको मूल्यमा भारी गिरावट, कतिमा हुँदैछ कारोवार ?

एनएसएलमा आज चितवन र लुम्बिनी खेल्दै

आईपीएलमा आज लखनऊ र मुम्बई भिड्दै