कञ्चनपुरमा बढ्दै कोरोना संक्रमित

कोरोना अपडेट

नेपाल लाइभ शुक्रबार, पुस ३०, २०७८ ०९:०६

काठमाडौं– कञ्चनपुरमा कोरोना संक्रमितको संख्या दैनिक बढ्दै गइरहेको छ। कोरोना संक्रमितमा अधिकांश भारतबाट फर्कने रहेका छन्।

जिल्ला स्वास्थ्य कार्यालयका अनुसार बिहीबार गड्डाचौकी नाकामा गरिएको परीक्षणमा १०५ र अन्य गरी जम्मा १२८ जनामा कोरोना सङ्क्रमण पुष्टि भएको छ। एन्टिजेन विधिबाट गरिएको परीक्षणमा १२० र पिसीआर परीक्षणबाट आठ जनामा कोरोनाको संक्रमण देखिएको हो।

भीमदत्त नगरपालिकाका १२, दोधोरा चाँदनी नगरपालिकाका दुई, बेदकोट नगरपालिकाका दुई, बेलौरी नगरपालिकाका एक, शुक्लाफाँटा नगरपालिकाका तीन, पुनर्वास नगरपालिकाका दुई, कृष्णपुर नगरपालिकाका एक र गड्डाचौकी हुँदै भारतबाट फर्केका १०५ जनामा कोरोना सङ्क्रमण देखिएको स्वास्थ्य कार्यालयका प्रमुख शिवराज सुनारले बताए। एक हप्ताको अवधिमै यहाँ कोरोना सङ्क्रमित हुनेको सङ्ख्या ५५८ पुगेको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दाङमा एक व्यक्तिले आफैंलाई हाने गोली

तीनकुने घटनामा संलग्न थप १ जना पक्राउ

मादी नदी लिफ्ट खानेपानी योजना अधुरै