पुरानो घरमा ‘लाटीको छोरा’

रंगमञ्च

नेपाल लाइभ शुक्रबार, पुस ३०, २०७८ १०:५५

काठमाडौं– सिनामंगलस्थित पुरानो घर थिएटरमा आज (शुक्रबार) बाट ‘लाटीको छोरा’ नाटकको मञ्चन सुरु भएको छ। कथाकार श्याम शाहको कथा ‘लाटीको छोरा’मा आधारित तथा रंगकर्मी सुलक्षण भारतीको लेखन तथा निर्देशनमा बनेको नाटकको आजबाट मञ्चन सुरु भएको हो।

कथाकार शाहको ‘अब्बा’ नामक कथा संग्रहमा संग्रहित कथामाथि आधारित रहेर नाटक बनेको छ। नाटकमा भुई मान्छेको कथा देखाइएको छ। समाजका टाँठाबाठा र व्यवस्थाको मारमा शोषित भएकाहरुको कथालाई नाटकमा प्रस्तुत गरिएको छ। नाटकमा बोल्न र सुन्न नसक्ने एक महिलामाथि कसरी समाजका उच्च तप्कामा पुगेका मानिसहरुले अत्यचार गर्छन् र त्यो अत्यचारको आरोप भने समाजको तल्लो तप्कामा रहेको मानिसमाथि लगाएको कथा नाटकमा देख्न सकिन्छ।

‘पुरानो घर’ थिएटरमा मञ्चन हुन लागेको नाटकमा थिएटरकै विद्यार्थीहरुले अभिनय गरेका छन्। यो नाटक थिएटरको दोस्रो उत्पादन हो। यसअघि पुरानो घरमा सुलक्षण भारतीको लेखन तथा निर्देशनमा बनेको एकल नाटक ‘म’ मञ्चन भएको थियो।

शुक्रबारबाट मञ्चन सुरु भएको नाटक हरेक दिन ४ः ४५ मा मञ्चन हुनेछ। नाटक माघ ९ गतेसम्म रहेको छ

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अदालतको आदेशको सम्मान गर्दै अहिले नै गिरफ्तारी दिँदैछु, ममाथि ठूलो अन्याय भएको छ : रवि लामिछाने

५ रेक्टरमाथिका २ भूकम्प, केन्द्रविन्दु जाजरकाेट

सुप्रिम सहकारी प्रकरण : रविलाई थुनामा पठाउने उच्च अदालतको आदेश