अलैंचीको बिक्री बढ्यो : भारतमा मात्रै ४ अर्बको निर्यात, कुन देशमा कति?

अनुसन्धान

नेपाल लाइभ बुधबार, असार १३, २०७५ ०८:४८

काठमाडौं– सरकार कृषि उत्पादनलाई निर्यातमुखी बनाउनेतर्फ अघि बढेको छ। यसै क्रममा अलैंचीमा नेपाल क्रमशः आत्मनिर्भरतर्फ उन्मुख हुँदै गएको छ।

अलैंचीको बिक्री यस वर्ष अघिल्लो १० महिनाको तुलनामा २२ दशमलव ६६ प्रतिशतले बढेको छ। यस अवधिमा नेपालले ४ अर्ब २९ करोड २७ लाख ३० हजार रुपैयाँ बराबरको अलैंची बेचेको छ। अघिल्लो सालको १० महिनामा ३ अर्ब ४९ करोड ९६ लाख ७४ हजार रुपैयाँ बराबरको अलैंची बिक्री भएको थियो।

अलैंची निर्यात गरिने प्रमुख देश भारत रहे पनि निकासीमा पटकपटक समस्या आउने गरेको छ। अलैंची खेतीका लागि उर्वर भूमि मानिने इलाम, तेह्रथुम लगायतका जिल्लाका किसानलाई निर्यातमा भारतले प्रतिबन्ध लगाउँदा समस्या आएको हो। यस १० महिनाको अवधिमा भारतमा मात्रै ४ अर्ब २८ करोड ९८ लाख रुपैयाँ बराबरको अलैंची निर्यात भएको छ।

त्यस्तै अर्को छिमेकी मुलुक चीनमा १७ लाख ५१ हजार रुपैयाँ बराबरको अलैंची बिक्री भएको छ। युएईमा ९ लाख ६० हजार रुपैयाँ बराबरको अलैंची निर्यात भएको छ। त्यस्तै बंगलादेशमा ३१ हजार रुपैयाँ बराबरको अलैंची निर्यात भएको छ।

५२ लाखको सुकमेल बिदेशियो
चालु आर्थिक वर्षको १० महिनामा ५२ लाख ८ हजार रुपैयाँ बराबरको सुकमेल विदेशिएको छ। अघिल्लो बर्षको १० महिनाको तुलनामा यस वर्ष सुकमेल बिक्री बढेको छ। अघिल्लो वर्ष ४४ लाख ९२ हजार रुपैयाँ बराबरको सुकमेल विदेशिएको थियो।

यस अवधिमा सुकमेल सबैभन्दा धेरै चीनमा निर्यात भएको छ। चीनमा ५४ लाख ५६ हजार रुपैयाँ बराबरको सुकमेल निर्यात भएको छ। त्यस्तै जर्मनीमा ४ लाख ५० हजार रुपैयाँ र फ्रान्समा २ लाख ८६ हजार रुपैयाँ बराबरको निर्यात भएको छ। बंगलादेशमा १६ हजार रुपैयाँ बराबरको सुकमेल बिक्री भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गाडीको ठक्करबाट पैदल यात्रीको मृत्यु भएपछि वीरेन्द्रनगर तनावग्रस्त

प्रधानमन्त्री ओलीले भने– वार्तामा आउनुस्, सहमति गरेर काममा फर्किनुस्

सेयर बजारमा आज पनि गिरावट