भोलिदेखि फेरि मञ्चन हुँदै ‘लाटीको छोरा’

रंगमञ्च

नेपाल लाइभ आइतबार, माघ २३, २०७८ १३:५२

काठमाडौं– श्याम शाहको कथा ‘लाटीको छोरा’मा आधारित रहेर सुलक्षण भारतीले निर्देशन गरेको नाटक ‘लाटीको छोरा’ पुनः प्रदर्शन हुने भएको छ। भारतीको नाट्य रुपान्तरण र निर्देशन रहेको यो नाटक माघ २४ (भोलि)देखि फेरि सिनामंगलस्थित ‘पुरानो घर’ थिएटरमा मञ्चन हुन लागेको हो।

नाटकमा सुन्दरबजारको कथा देखाइएको छ। शक्तिको निकट रहेकाहरुले भुइँमान्छेको जीवनमाथि गर्ने राजनीतिको कथा बोकेको यो नाटक यसअघि गत पुस ३० देखि मञ्चन भएको थियो। माघ ९ गतेसम्म प्रदर्शन भएको नाटकले राम्रो प्रतिक्रिया पाएको थियो।

नाटकमा सरिता भुजेल, गोविन्द सुनार, टीका निरौला, सन्देश कार्की, शिशिर गिरी, जयराम, निशा दाहाल, प्रकाश थापा लगायतका कलाकारहको अभिनय रहेको छ। उनीहरु ‘पुरानो घर’ थिएटरकै विद्यार्थी हुन्।

फेरि मञ्चन हुन लागेको नाटक भोलीदेखि फागुन १ गतेसम्म चल्नेछ। हरेक दिन साँझ ४ः४५ सँगै शनिबार दिउँसो १ बजे पनि नाटक मञ्चन हुनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अदालतको आदेशको सम्मान गर्दै अहिले नै गिरफ्तारी दिँदैछु, ममाथि ठूलो अन्याय भएको छ : रवि लामिछाने

५ रेक्टरमाथिका २ भूकम्प, केन्द्रविन्दु जाजरकाेट

सुप्रिम सहकारी प्रकरण : रविलाई थुनामा पठाउने उच्च अदालतको आदेश