भरतपुरमा रोकिएको मतगणना सुरु गर्नेबारे सहमतिका लागि सर्वदलीय बैठक जारी

स्थानीय निर्वाचन

नेपाल लाइभ मंगलबार, जेठ ३, २०७९ ००:१९

चितवन- चितवनको भरतपुर महानगरपालिकामा रोकिएको मतगणना सुचारु गर्नेबारे सहमति खोज्ने प्रयास भइरहेको छ।

नेकपा एमालेले मतगणनाका क्रममा धाँधली भएको आरोप लगाउँदै होहल्ला गरेपछि गणना प्रभावित भएको थियो।

एमालेले चितवनका प्रमुख जिल्ला अधिकारीले गणना गर्न कर्मचारीलाई दबाब दिएको आरोप लगाएको छ। गणना प्रभावित भएसँगै अहिले सहमतिको प्रयास भइरहेको छ। त्यसका लागि सर्वदलीय बैठक बसिरहेको छ। राति पौने १२ बजेदेखि बैठक बसिरहेको हो।

मतगणना प्रभावित हुनु अघि गठबन्धनबाट माओवादीकी उम्मेदवार रेनु दाहालले एमाले उम्मेदवार विजय सुवेदीमाथि झिनो अग्रता बनाइरहेकी थिइन्। एमालेले स्वस्तिक र बदरमतलाई समेत गठबन्धनको दबाबमा सदर गराउन खोजेको आरोप लगाएको छ भने गठबन्धन दलहरुले सदर मतलाईसमेत कर्मचारीले बदर गराउन खोजेको आरोप लगाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कक्षा १२ का विद्यार्थीलाई प्रवेश पत्र लिन बोलाउन थालियो

काठमाडौं प्रशासन अगाडि राप्रपाको धर्ना

पचरौताका तत्कालीन निमित्त प्रमुख प्रशासकीय अधिकृत र लेखापालविरुद्ध भ्रष्टाचार मुद्दा