स्याङ्जाको वालिङ नगरपालिकाको प्रमुखमा एमाले र उपप्रमुखमा कांग्रेस विजयी

स्थानीय निर्वाचन

नेपाल लाइभ शनिबार, जेठ ७, २०७९ १५:२४

काठमाडौं– स्याङ्जाको वालिङ नगरपालिकाको प्रमुखमा नेकपा एमाले र उपप्रमुखमा नेपाली कांग्रेस विजयी भएका छन्।

प्रमुखमा नेकपा एमालेका कृष्ण खाण १३ हजार ७७६ मत ल्याएर निर्वाचित भएका छन्। नेपाली कांग्रेसका उम्मेदवार दिलिप प्रताप खाणले ११ हजार ५९३ मत प्राप्त गरे।

कांग्रेसका प्रमुख पदका उम्मेदवार खाण २०७४ को स्थानीय तहको निर्वाचनमा १० हजार ६०० मत ल्याएर प्रमुखमा निर्वाचित भएका थिए। अहिले भने उनी एमालेका उम्मेदवारसँग पराजित हुन पुगे।

त्यस्तै, उपप्रमुखमा भने नेपाली कांग्रेसकी कविता तिवारी १२ हजार ८२२ मत ल्याएर निर्वाचित भएकी छन् भने नेकपा एमालेकी खगीसरा थापा मगरले १२ हजार ३४० मत प्राप्त गरिन्।

तिवारी २०७४ को स्थानीय तहको निर्वाचनमा पनि उपप्रमुखमा नै निर्वाचित भएकी थिइन्। एमालेकी उम्मेदवार थापा पनि २०७४ मा उपप्रमुखमा प्रतिस्पर्धा गरेकी थिइन्। तर, त्यसबेला पनि पराजित भएकी उनी अहिले पनि पराजित भएकी छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई विश्वप्रकाशको चुनौती : चुनावबाट मत जितेर चाहेजस्तो व्यवस्था ल्याउनुहोस्

सेतो मछिन्द्रनाथको रथ जात्रा सुरु

आईपीएल : चेन्नईलाई २५ रनले हराउँदै दिल्लीको लगातार तेस्रो जित